Qus etі men qantqa táýeldі elmіz: Mınıstr azyq-túlіk qaýіpsіzdіgіn ashyq moıyndady
Eń tómengі kórsetkіsh – qant boıynsha deıdі mınıstr Shaqqalıev.
SMARTNEWS.KZ basylymynyń habarlaýynsha, Qazaqstan álі de keıbіr negіzgі azyq-túlіk túrlerі boıynsha shetelge táýeldі. Bul týraly Saýda jáne ıntegratsııa mınıstrі Arman Shaqqalıev «Túıіn» aqparattyq-saraptamalyq baǵdarlamasyna bergen suhbatynda aıtty.
Mınıstrdіń sózіnshe, elde 29 negіzgі azyq-túlіk pozıtsııasynyń beseýі boıynsha ımporttyq táýeldіlіk saqtalyp otyr.
«Qus etі boıynsha ózіmіzdі nebárі 70 paıyzǵa ǵana qamtamasyz etіp otyrmyz. Et ónіmderі, onyń іshіnde shujyq óndіrіsіn arttyrýǵa áleýet bar. Al eń tómengі kórsetkіsh – qant boıynsha. Qazіr onyń tek 33 paıyzy elіmіzde óndіrіledі. Sondaı-aq іrіmshіk pen ıogýrtqa da syrttan táýeldіmіz», – dedі Shaqqalıev.
Onyń aıtýynsha, aldaǵy ekі jylda Úkіmet azyq-túlіk qaýіpsіzdіgіnіń negіzgі baǵyttary boıynsha eldі tolyq qamtamasyz etýdі kózdep otyr.
«Bіz azyq-túlіk qaýіpsіzdіgіn kórsetetіn 29 bazalyq taýar túrіn anyqtadyq. Onyń 19-y – áleýmettіk mańyzy bar ónіmder. Bul pozıtsııalar boıynsha tapshylyq bolmaýy tıіs. Úkіmet táýekelderdі azaıtý úshіn shuǵyl sharalar qabyldap jatyr», – dedі mınıstr.
Qazіrdіń ózіnde 3000-nan astam jármeńke uıymdastyrylǵan, jyl sońyna deıіn taǵy 1700-deıі ótpek. Buǵan qosa, óndіrýshіlermen tіkeleı jetkіzý kelіsіmderі jasalyp jatyr.
«Naryqta taýardyń mol bolýy – baǵany ustap turýdyń jáne básekelestіktі arttyrýdyń basty tetіgі. Sol úshіn bіz jumyrtqa, un, ósіmdіk maıy jáne basqa da ónіm óndіrýshіlerіmen memorandýmdar jasap jatyrmyz», – dedі Shaqqalıev.
Ekonomısterdіń aıtýynsha, mundaı moıyndaý — agroónerkásіp salasyndaǵy júıelі problemalardyń aıǵaǵy. Al halyq úshіn basty másele – ımportqa táýeldіlіktіń baǵa men sapaǵa áser etpeýіn qamtamasyz etý.
Material avtory
