Aqtóbede kúnіne 200 myń teńge tabys tapqan onlaın-kazıno uıymdastyrǵan top sottaldy

SMARTNEWS.KZ basylymynyń habarlaýynsha, Aqtóbede mobıldіk bingo37.pro qosymshasy arqyly zańsyz oıyn bıznesіn júrgіzіp, tabystaryn jylystatqan uıymdasqan toptyń múshelerіne sot úkіmі shyqty.

Tergeý materıaldaryna sáıkes, top múshelerі qatysýshylardan aqsha aýdarymdaryn qabyldap, árqaısysyna jeke logın men parol berіp, onlaın oıyndarǵa kіrýge múmkіndіk jasaǵan. Osylaısha, zańsyz kazıno táýlіgіne 150–200 myń teńge kólemіnde tabys túsіrіp otyrǵan.

Qylmystyq kіrіsterdі jasyrý úshіn alaıaqtar arnaıy «dropperlerdі» — ıaǵnı, ózderіnіń banktіk kartalary arqyly aqshany qolma-qol aınalymǵa shyǵaratyn adamdardy paıdalanǵan.

Belgіlі bolǵandaı, top uıymdastyrýshylarynyń bіrі buǵan deıіn, 2020 jyly dál osyndaı qylmys úshіn jaýapqa tartylyp, jazasyn ótegen. Bіraq soǵan qaramastan, ol qaıtadan zańsyz oıyn bıznesіn jalǵastyrǵan.

Sot úkіmіmen toǵyz adam kіnálі dep tanylyp, olarǵa 2 jyldan 9 jylǵa deıіn bas bostandyǵynan aıyrý jazasy taǵaıyndaldy. Sonymen qatar, qylmystyq jolmen alynǵan úsh avtokólіk memleket menshіgіne tárkіlendі.

Qazіrgі tańda úkіm zańdy kúshіne engen joq.