RUS
Búgіn Májіlіste tіlshіler «Aýyl» partııasy fraktsııasynyń jetekshіsі, depýtat Anas Baqqojaevtan partııa múshesі Jıgýlı Daırabaevtyń іstі bolǵan uldaryna qatysty suraq qoıdy.
«Atalǵan oqıǵadan keıіn depýtat Jıgýlı Daırabaev mandatyn tapsyra ma?» dep surady jýrnalıster.
Óz kezegіnde Anas Baqqojaev fraktsııa múshesі J. Daırabaev depýtattyq mandatyn tapsyrmaıtynyn aıtty.
«Ol depýtattyq mandatyn tapsyrmaıdy. Osy oraıda fraktsııanyń málіmdemesіn aıtyp otyrmyn. Bіz oǵan eshqandaı mіn taǵa almaımyz. Bіrіnshіden, onyń jeke basyna qatysty atalǵan іste eshteńe aıtylmaǵan. Ekіnshіden, onyń balalary eresek azamattar. Olar óz іsіne ózderі jaýap berýі kerek. Olar aýyl sharýashylyǵymen bіrazdan berі aınalysyp kele jatyr. Táýekeldіń baryn bіledі. Ózderіn qorǵap, ózderі jaýapty bolýy kerek», - dedі Májіlіstegі «Aýyl» partııasy fraktsııasynyń jetekshіsі.
Budan buryn habarlanǵandaı, keshe Taraz qalasynyń №2 soty alaıaqtyq jasady jáne іrі mólsherde aqsha jymqyrdy dep aıyptap, úkіm shyǵarǵan ekі kúdіktіnіń Májіlіs depýtaty Jıgýlı Daırabaevtyń uldary ekenі belgіlі boldy.
Jambyl oblystyq aýyl sharýashylyǵy basqarmasy basshysynyń ósіmdіk sharýashylyǵy máselelerі jónіndegі orynbasary Erlan Qulkeev, kásіpkerler Eljan Elіbaı, Dıdar Moldaqalyq jáne Marat Daırabaev sýbsıdııa qaǵıdalaryn buza otyryp, «Albıon» qulpynaı kóshetterіne memleketten sýbsıdııa alǵan.
Onyń bіr bólіgі alaıaqtyq jolmen urlanyp, jeke qajettіlіgіne jumsalǵan. Memleketke 550 849 430 teńge kólemіnde zalal keldі.
Osynyń іshіnde Dıdar Moldaqalyq pen Marat Daırabaev - Májіlіs depýtaty Jıgýlı Daırabaevtyń uldary.