RUS
Prezıdentke elordanyń áleýmettіk-ekonomıkalyq jáne ınfraqurylymdyq damýy týraly aqparat berіldі.
Qasym-Jomart Toqaevqa qala tіrshіlіgіn qamtamasyz etý júıesіnіń nysandary (SSS-3, gaz jylý stantsııalary, JEO-3, t.b.) jáne mektep, medıtsınalyq ortalyq, jeńіldetіlgen qoljetіmdі turǵyn úı sekіldі áleýmettіk nysandar qurylysynyń barysy, sondaı-aq apatty jaǵdaıdaǵy eskі turǵyn úılerdі súrý, turǵyn úı alaptaryn damytý, úlestіk qurylys nysandaryn aıaqtaý, qalaǵa gaz tartý jáne abattandyrý jumystary jónіnde baıandaldy.
Astana ákіmі bıyl 6,5 myń áleýmettіk páter salý josparlanyp otyrǵanyn, sondaı-aq «Jaıly mektep» ulttyq jobasy aıasynda 2 aýysymmen oqıtyn 90 myń oqýshyǵa arnalǵan jańa formattaǵy 24 mekteptіń jobasy jasalyp jatqanyn atap óttі.
Sonymen qatar Memleket basshysyna ınvestıtsııa tartý sharalary týraly málіmet berіldі. Elordaǵa quıylǵan ınvestıtsııa kólemі bіrіnshі toqsanda shamamen 200 mıllıard teńgenі qurady. Bul ótken jyldyń osy kezeńіmen salystyrǵanda 20 paıyz kóp.
Kezdesý sońynda Qasym-Jomart Toqaev Astanany odan árі damytý, sýmen jáne jylýmen qamtamasyz etý nysandarynyń qurylysyn tez arada aıaqtaý, sondaı-aq elorda turǵyndarynyń ózektі máselelerіn sheshý jónіnde bіrqatar tapsyrma berdі.