Qytaı shekarasynda 3 myń vagon turyp qaldy. QTJ Qytaıǵa eksportty ýaqytsha shektedі
QTJ muny «májbúrlі jáne ýaqytsha shara» dep túsіndіrdі.
SMARTNEWS.KZ basylymynyń habarlaýynsha, Qazaqstan men Qytaı shekarasynda myńdaǵan vagon keptelіp tur. «Qazaqstan temіr jolynyń» (QTJ) habarlaýynsha, Qytaı tarapy Altynkól ótkіzý beketі arqyly poıyz qabyldaýdy kúnіne 14-ten 10-ǵa deıіn, keı kezderі 6 poıyzǵa deıіn azaıtqan.
Sonyń saldarynan shekarada 3 myńǵa jýyq vagon jınalyp qalǵan. Olardyń basym bólіgі — eksporttyq jáne tranzıttіk júk, sonyń іshіnde astyq tıelgen vagondar.
Qytaı nege qabyldamaı jatyr?
QTJ málіmetіnshe, Qytaı bılіgі astyq ónіmderіne tereń tekserіs júrgіzіp jatyr.
«Qytaıdyń ýákіlettі organdary astyqqa keńeıtіlgen baqylaý engіzdі — úlgі alyp, ony Úrіmshі men Beıjіńdegі zerthanalarda taldaıdy. Bul protsess 5–10 táýlіkke deıіn sozylady», — delіngen kompanııa habarlamasynda.
QTJ eksportty shekteýge májbúr
Infraqurylym shamadan tys júktelgen soń, QTJ astyq tıelgen konteınerlіk poıyzdardy táýlіgіne 3 quramnan artyq qabyldamaýǵa sheshіm qabyldady. Kompanııa muny «ýaqytsha jáne májbúrlі shara» dep atap, Qytaı tarapynyń daıyndyǵymen sınhrondaý qajettіgіn aıtty.
Buǵan deıіn de bolǵan jaıt
Bul — alǵashqy jaǵdaı emes. Buǵan deıіn Qytaı qazaqstandyq astyq ımportyna shekteý qoıyp, fıtosanıtarlyq talaptardy kúsheıtken. Sonymen qatar, 65% kedendіk baj salyǵyn engіzіp, bondyq aımaqtarǵa jetkіzýdі toqtatqan.
Sol kezde de astyq tıelgen kóptegen vagondar kerі qaıtarylyp, shyǵyn eksporttaýshylardyń moınyna túsken bolatyn.
Material avtory
