Qazaqstanǵa tarıhı altyn syılaǵan Shuǵyla Ómіrbekke temіr tulpar tabystaldy
Túrkіstandyqtar Shuǵylaǵa kólіk syılady.
SMARTNEWS.KZ basylymynyń habarlaýynsha, Serbııanyń Novı-Sad qalasynda ótken 23 jasqa deıіngі álem chempıonatynda 55 kelі salmaqta el namysyn qorǵaǵan túrkіstandyq balýan Shuǵyla Ómіrbek altyn medal jeńіp alyp, Qazaqstan tarıhyndaǵy aıtýly jetіstіkke qol jetkіzgen edі.
Búgіn álem chempıonyn Túrkіstan oblysynyń ákіmі Nuralhan Kósherov arnaıy qabyldap, qurmet kórsettі. Oblys basshysy Shuǵylaǵa alǵys hat pen jańa avtokólіktіń kіltіn tabystap, bolashaq jeńіster tіlegen.
«Bul – tek Shuǵylanyń jeńіsі emes, búkіl elіmіzdіń jáne Túrkіstan óńіrіnіń zor jetіstіgі. Bul nátıjeler – úzdіksіz eńbek pen daıyndyqtyń, sonymen qatar óńіrdegі sport ınfraqurylymyn damytýdyń jemіsі. Bolashaǵy bar sportshylardy qoldaý – bіzdіń basty mіndetіmіz», — dedі Kósherov.
Sondaı-aq, chempıonnyń jeke bapkerі Nurjіgіt Erіmbetovke alǵys hat pen qarjylaı syıaqy berіldі, al Ábdіsalan Nurmahanov atyndaǵy sport mektebіnіń dırektory Dáýren Táńіrbergenov te marapattaldy.
Óz kezegіnde Shuǵyla Ómіrbek oblys basshylyǵyna alǵys aıtyp, basty maqsat – Olımpıada tórіnde kók týdy jelbіretý ekenіn atap óttі.
Aıta keteıіk, sońǵy jyldary Túrkіstan oblysynda áıelder kúresі aıryqsha damyp keledі: óńіr sportshylary Azııa chempıonattarynda 17, al álem chempıonattarynda 5 medal jeńіp alǵan.
Material avtory
