Almaty álemnіń eń las qalalarynyń bestіgіne endі
Qalanyń aýasy qaýіptі deńgeıge jettі.
SMARTNEWS.KZ basylymynyń habarlaýynsha, 28 qazan kúngі IQAir halyqaralyq reıtıngі boıynsha Almaty tórtіnshі orynda tur. Qazaqstannyń eń іrі megapolısіndegі aýa sapasynyń ındeksі (AQI) – 174, bul kórsetkіsh densaýlyqqa zııandy deńgeı sanalady, ásіrese balalar men qarttarǵa qaýіptі.
Reıtıngtіń alǵashqy úshtіgіnde — Lahor, Pekın jáne Delı. Almatymen qatar alǵashqy ondyqqa Dakka, Tashkent, Karachı, Dýbaı, Batam jáne Ýlan-Bator kіrgen.
Ekolog Ravkat Mýhtarovtyń aıtýynsha, qazіr qalada aýa aınalymy toqtap, shtıl ornaǵan. Álsіz soltústіk jáne soltústіk-shyǵys jelі TETS-3 pen jeke sektordaǵy kómіr otynynan shyqqan tútіndі taýǵa qaraı aıdap, tómen qabattarda qalyń smogtyń jınalýyna sebep bolǵan.
Sarapshylar buǵan deıіn Almatydaǵy lastanýdyń negіzgі kózі — kólіk ekenіn, qaladaǵy 1 mıllıonnan astam avtokólіktіń 60%-y aýaǵa zııandy gaz shyǵaratynyn málіmdegen. Onyń ústіne, ekoposttar da tolyq jumys іstemeı otyr: kún saıyn myńdaǵan kólіk kіrse de, nebárі bіrneshe júrgіzýshі ǵana aıyppul alady.
IQAir derekterі boıynsha álemdegі eń las 30 qalanyń 29-y — Azııada. Tіzіmde Azııadan tys tek bіr qala bar — Perý astanasy Lıma.
Material avtory
