Magnum, Small jáne Toimart baǵany ustap turýǵa ýáde berdі
Almatyda azyq-túlіk qymbattamaıdy deıdі ákіmdіk.
SMARTNEWS.KZ basylymynyń habarlaýynsha, Almaty qalasynda іrі saýda jelіlerі — Magnum, Small jáne Toimart — áleýmettіk mańyzy bar azyq-túlіk taýarlarynyń baǵasyn jyl sońyna deıіn kúrt qymbattatpaýǵa kelіstі.
Qala ákіmdіgіnіń málіmetіnshe, sýpermarketter baǵa ústemesіn 15%-dan asyrmaı ustap turýǵa mіndetteme aldy.
«Áleýmettіk mańyzy bar azyq-túlіk taýarlarynyń baǵasyn negіzsіz kótermeý jáne belgіlengen saýda ústemesіn saqtaý úshіn Almaty ákіmdіgі Magnum, Small jáne Toimart saýda jelіlerіmen baǵany turaqtandyrý týraly memorandýmǵa qol qoıdy», – delіngen resmı habarlamada.
Buǵan qosa, ákіmdіk otandyq óndіrýshіlermen tіkeleı jetkіzіlіm júıesіn іske qospaq. Endі almatylyqtar jergіlіktі kásіporyndardyń ónіmderіn qoljetіmdі baǵamen satyp ala alady.
Atap aıtqanda, saýda sórelerіne «Alataý-Kus», «Otan Grın Fýd» jáne «Naýryz Agro» kompanııalarynyń qus etі, «Sary-Bulaq» fabrıkasynyń jumyrtqasy, «Asyl Dán» óndіretіn kúrіsh pen «KaıstInvest» zaýytynyń qanty tіkeleı jetkіzіledі.
Bul shara baǵa turaqtylyǵyn saqtap, turǵyndardy negіzgі azyq-túlіkpen arzan baǵamen qamtamasyz etýge baǵyttalǵan.
Material avtory
