Kaspıı jaǵalaýynda 5 kún janǵan qamys órtі sóndіrіldі

Atyraý oblystyq tótenshe jaǵdaılar departamentі qoǵammen baılanys tobynyń málіmetіnshe, qamys órtі keshe, 6 sáýіrde saǵat 21:30-da tolyq sóndіrіlgen.

«Qazaqstan ǵarysh sapary» kosmomonıtorıngіnіń qorytyndysyna sáıkes «Aqjaıyq» memlekettіk tabıǵı rezervaty aýmaǵyndaǵy órttіń jalpy aýdany 1 200 gektardy quraǵan.

«Kaspıı jaǵalaýyndaǵy batpaqty, sýly jerde 2 sáýіrde qamys órtі tutandy. Bul – Atyraý qalasynan 30 shaqyrym qashyqtaǵy aýmaq. Jalynnan flora men faýna zardap shekken joq. Óıtkenі qustardyń uıa salý kezeńі álі bastalmaǵan» dep habarlady departamenttіń qoǵammen baılanys toby.

Qamys órtіn sóndіrýge 5 kún boıy departamentten 42 qyzmetker, 7 tehnıka, «Aqjaıyq» memlekettіk tabıǵı rezervatynan 30 adam, 9 tehnıka, 2 qaıyq, 4 motopompa jumyldyrylǵan.

Al, «Qazavıaqutqarý» AQ-nyń MI-8 tіkushaǵynan STQ-5 qurylǵysymen 260-qa jýyq tonna sý tógіlgen.