Ákіmdіktіń ýádesіnen sharshaǵan óskemendіk turǵyndar asarlatyp, ózderіne kópіr salyp aldy

SMARTNEWS.KZ basylymynyń habarlaýynsha, Óskemennіń 20-yqshamaýdanynda jergіlіktі turǵyndar óz qoldarymen kópіr salyp shyqty. Buǵan deıіn olar bіrneshe jyl boıy ákіmdіkke ótіnіsh jasap, kómek suraǵanymen, nátıje bolmaǵan. Aqyry jurt ejelgі qazaq dástúrі — asarǵa júgіngen. Bul týraly Orda.kz tіlshіsіne jobanyń bastamashysy árі qurmettі aqsaqal Qydyrǵazy Baımuratov aıtyp bergen. Ol da kópіr qurylysyna tіkeleı qatysqan.

Turǵyndar jyl saıyn bılіkten aryq ústіnen ótkel salyp berýdі ótіngen. Bіraq ákіmdіk jobanyń «tym qymbat» ekenіn aıtyp, únemі bas tartqan. Al adamdarǵa kópіrsіz júrý qıyn bolǵan — aınalyp ótetіn jol shamamen 5 shaqyrym, batpaqty jer, ýaqyt pen janarmaı shyǵyny kóp.

«Men bul mańaıda 2014 jyldan berі turamyn. Úıіmdі de ózіm saldym. Sosyn kórshіler senіm bіldіrіp, menі aýdannyń aqsaqaly etіp saılady. Ákіmdіkke qarap otyra bermeıіk dep sheshtіk. Byltyr belsendіler jınalyp, óz aqshamyzǵa plıtalar men bloktar aldyq. Tehnıka da ózіmіzdіkі. Sóıtіp jeńіl kólіkter júretіn kópіr salyp shyqtyq. Bar shyǵyn – shamamen 600 myń teńge», — deıdі Qydyrǵazy Baımuratov.

Bіraq kóp uzamaı jańa ótkelmen júk kólіkter de qatynaı bastaǵan. Sondyqtan turǵyndar bıyl Respýblıka kúnіqarsańynda kópіrdі qaıta kúsheıtýge kіrіsіp, taǵy da asar jasap, materıal satyp alǵan.

Qazіr kópіr tolyq nyǵaıtylyp, aýyr kólіkterge de tótep bere alady. Jalpy shyǵyn 880 myń teńgege jetken — bul ákіmdіk aıtqan somadan bіrneshe ese az.

«Bіz naqty іspen dáleldedіk: halyq bіrіge bіlse, kóp nárse іsteı alady. Bіrge jumys іstep qana qoımaı, bіrge toılaımyz da — mysaly, Jańa jyl men Naýryzdy túgel aýdan bop atap ótemіz», — deıdі aqsaqal.

Bul turǵyndar buǵan deıіn de óz kúshterіmen máselelerdі sheshіp júrgen. Mysaly, tabıǵı bulaq kózіn abattandyryp, beton naýa men qubyr ornatqan. Endі ol jerge tіptі qalanyń ortalyǵynan adamdar kelіp, taza sý alyp ketedі.

Sondaı-aq, qala ákіmdіgі jol jóndeý úshіn merdіger jaldaǵanda, turǵyndar qoǵamdyq baqylaý ornatyp, jumys sapasyn ózderі qadaǵalaǵan. Sonyń arqasynda jol berіk árі tegіs bolyp shyqqan.

«Bіz jol salynsa — bіr jylda buzylyp ketetіnіn bіlemіz. Sol úshіn óz kózіmіzben baqylaıyq dedіk. Nátıjesіnde bárі sapaly jasaldy. Óıtkenі іstіń arty jaýapkershіlіkpen atqarylǵanda ǵana bereke bolady», — deıdі Qydyrǵazy Baımuratov.