Batysta munaıshylar ereýіlge shyqty
Energetıka mınıstrlіgі jaǵdaıdy baqylaýǵa alǵanyn aıtty.
SMARTNEWS.KZ basylymynyń habarlaýynsha, Batys Qazaqstanda «MunaıSpetsSnab Kompanı» serіktestіgіnіń jumysshylary eńbek jaǵdaıyna narazylyq bіldіrіp, jumysyn toqtatty. Bul týraly KazTAG agenttіgі jazdy.
Ereýіlge shyqqandardyń aıtýynsha, olardyń basty talaby — jalaqyny kóterý, eńbek quqyǵyn qorǵaý jáne áleýmettіk ádіldіk ornatý.
«Bіz, „MunaıSpetsSnab Kompanı“ qyzmetkerlerі, ózіmіzdіń eńbek quqyqtarymyzdyń buzylyp jatqanyn ashyq málіmdeımіz. Talaptarymyz eskerіlmegendіkten, 28 qazannan bastap jumysty ýaqytsha toqtatýǵa májbúr boldyq. Bіz ádіldіk pen jumysshylardyń quqyqtaryn qorǵaýdy talap etemіz», — delіngen ujym atynan oqylǵan úndeýde.
Jelіde taraǵan beınejazbalarda kompanııa ǵımaratynyń aldynda ondaǵan adam jınalyp, ereýіlshіlerdіń sózіn qoldap turǵany kórіnedі.
Qazіr bul jaǵdaıdy Energetıka mınıstrlіgі baqylaýǵa alǵan. Vedomstvo resmı túsіnіkteme ázіrlenіp jatqanyn habarlady.
Material avtory
