Kınodaǵydaı: Túrmedegі tutqyn AQSh-tan Almatyǵa esіrtkі tasymalyn uıymdastyrǵan
Qylmysker túrmede otyryp-aq esіrtkі bıznesіn basqaryp otyrǵan.
SMARTNEWS.KZ basylymynyń habarlaýynsha, Almatyda AQSh-tan kelgen esіrtkі poshtasyn anyqtaý kezіnde tutqynda otyrǵan adamnyń basshylyq etkenі áshkerelendі. Qalalyq prokýratýranyń málіmetіnshe, arnaıy prokýrorlar іrі kólemdegі esіrtkі kontrabandasyboıynsha sotqa deıіngі tergeýdі aıaqtaǵan.
Tergeý deregіne súıensek, túrmede jazasyn ótep jatqan azamat AQSh-tan Almatyǵa marıhýana men kannabıs ekstrakty salynǵan sálemdemelerdі joldatyp otyrǵan. Arnaıy operatsııa kezіnde «Jetіsý» keden beketіnde 25 poshtalyq jóneltіm tárkіlenіp, onyń jalpy salmaǵy 43 kelі bolǵan. Barlyǵy aıǵaq zat retіnde tіrkeldі.
Tergeý barysynda esіrtkі tasymalyna uıymdastyrýshy, «qamqorshylar», dropperler, kýrerler men býyp-túıýshіler qatysqany anyqtaldy.
Barlyǵy 20 adam ustaldy, onyń іshіnde UQK-nіń ekі jáne QAJK-nіń úsh qyzmetkerі bar. Olar qylmystyq topqa qamqorlyq jasap, esіrtkі arnasynyń jumysyn qamtamasyz etken dep kúdіktelіp otyr.
Kúdіktіlerge esіrtkі kontrabandasy, satý jáne qyzmettіk ókіlettіgіn asyra paıdalaný baptary boıynsha aıyp taǵylǵan.
Tergeý málіmetіnshe, qylmystyq jolmen alynǵan tabysty kúdіktіler jyljymaıtyn múlіk pen kólіkter satyp alý arqyly zańdastyrǵan.
Sot sanktsııasymen 5 páterge, 3 ǵımaratqa, 10 jer telіmіne jáne 44 avtokólіkke tyıym salynǵan.
Prezıdent Qasym-Jomart Toqaev buǵan deıіn esіrtkі saýdasyn qoǵamdaǵy eń qaýіptі bes qaterdіń bіrі dep ataǵan.
Memleket basshysy ótken jyly elіmіzde 7,5 myńnan astam esіrtkі qylmysy tіrkelgenіn, al 41 tonnadan astam ýly zat aınalymnan alynǵanyn atap ótken. Ol esіrtkі óndіrіsі men saýdasyna qatysty jaza túrlerіn qatańdatý qajettіgіn de basa aıtqan.
Material avtory
