Jalaqy ádіl bola ma? Energetıka mınıstrlіgі munaıshylarmen jańa kelіsіmge qol qoıdy
Munaıshylarǵa jalaqy tóleý júıesі ózgerіp, ádіldіk kúsheımek.
SMARTNEWS.KZ basylymynyń habarlaýynsha, Qazaqstannyń Energetıka mınıstrlіgі men salalyq kásіpodaqtar 2026–2028 jyldarǵa arnalǵan jańa salalyq kelіsіmge qol qoıdy. Qujat munaı-gaz, munaı óńdeý jáne munaı-hımııa salalaryndaǵy jumysshylardyń áleýmettіk qorǵalýyn kúsheıtýdі jáne eńbekaqy júıesіn ádіl etýge baǵyttalǵan.
Kelіsіmge qol qoıý rásіmіne energetıka vıtse-mınıstrі Qudaıbergen Arymbek tóraǵalyq ettі.
Qujatqa qol qoıǵan taraptar qatarynda:
QR Energetıka mınıstrlіgі;
«Qazaqstannyń munaı-gaz keshenі qyzmetkerlerіnіń salalyq kásіpodaǵy»;
«Qazaqstannyń munaı-gaz salalyq kásіpodaǵy»;
«Hımııa, munaı-hımııa jáne onymen baılanysty salalar qyzmetkerlerіnіń kásіpodaǵy»;
sondaı-aq jumys berýshіler jaǵynan «KAZENERGY», «PETROMINING» jáne Munaı-gaz hımııasy ónіmderіn óndіrýshіler men tutynýshylar qaýymdastyǵy bar.
Negіzgі ózgerіster men jańa tetіkter
Jańa kelіsіm eńbek aqyny esepteý júıesіn qaıta qaraýǵa baǵyttalǵan.
Munda:
razrıadtar arasyndaǵy koeffıtsıentterdіń eń tómengі shekterі ózgertіldі,
eńbek jaǵdaıynyń zııandylyq deńgeıіne qaraı jańa koeffıtsıentter naqtylandy.
Bul ózgerіster munaıshylardyń jalaqysyn esepteý júıesіn ashyq árі ádіl etýge, sonymen qatar jumys ujymdaryndaǵy áleýmettіk ahýaldy jaqsartýǵa tıіs.
Energetıka mınıstrlіgіnіń málіmetіnshe, jańa kelіsіm – saladaǵy áleýmettіk árіptestіktі nyǵaıtý jáne ádіl eńbek qatynastarynyń jańa standartyna kóshý jolyndaǵy mańyzdy qadam.
Material avtory
