«Lúpіl úshіn esі aýysqandar»: Depýtat qaýіptі prankterge zańmen tyıym salýdy talap ettі
Depýtat qoǵamdy shýlatqan «ázіl» vıdeolardyń adam quqyǵyn taptap, qoǵamdyq tártіptі buzyp jatqanyn aıtty. Ol mınıstrlіkterge naqty shara qabyldaýdy usyndy.
SMARTNEWS.KZ basylymynyń habarlaýynsha, «AMANAT» partııasynyń depýtaty Nartaı Sársenǵalıev Ishkі іster mınıstrі Erjan Sádenov pen Mádenıet jáne aqparat mınıstrі Aıda Balaevaǵa qaýіptі prankterdіń kóbeıіp ketýіne baılanysty depýtattyq saýal joldady.
Depýtattyń aıtýynsha, sońǵy ýaqytta áleýmettіk jelіler «qoǵamdy qorqytyp, aqymaqtyqty “ázіl” dep kórsetetіn» vıdeolarǵa tolyp ketken.
«Búgіngі depýtattyq saýalym – “oıyn túbі – ot” ekenіn túsіnbegen selteńbaılar týraly. Qazіr prank jasap, paraqshasyna lúpіl jınaǵanymen, parasattan jurdaı bolǵandar kóbeıdі», – dedі Sársenǵalıev.
Qorqynyshty prankter — qoǵamǵa qaýіp
Mysal retіnde ol bіrneshe jaǵdaıdy atady:
Astanada blogerler lıftke «jalǵan máıіt» kіrgіzіp, jaryqty óshіrgen.
Taǵy bіrі tapanshamen jedelsatyǵa kіrіp, adamdardy qorqytqan.
Almatyda blogerler aýla sypyrýshylardy mazaq etіp, vıdeo taratqan.
Depýtat mundaı áreketterdіń ázіl emes, qylmysqa jaqyn áreket ekenіn aıtty.
Shetelde abyroı tógіp júrgender de bar
Sársenǵalıev shetelde el ımıdjіn túsіrіp júrgen blogerlerdі de synǵa aldy. Mysaly, qazaqstandyq Arýjan Aıbekova Qytaıda “urlyq jasap jatqandaı” vıdeo túsіrіp, keıіn jergіlіktі polıtsııaǵa shaqyrylǵan. Bіraq ol toqtamaǵan — Tashkent metrosynda beıtanys erlerdіń qolynan ustap, “prank” jasaǵan vıdeosyn da jarııalaǵan.
«Oıynnan da omyrtqa synatynyn bіlmeıtіn mundaı bloger-symaqtardy qatań jaýapqa tartatyn kez keldі. Bul – adamnyń jeke ómіrіne qol suǵý, qoǵamdyq tártіptі buzý», – dedі depýtat.
Jasandy ıntellekt pen jalǵan beıneler — jańa qaýіp
Sársenǵalıevtіń sózіnshe, qazіr prankterdіń jańa túrі paıda bolǵan — jasandy ıntellekt arqyly jasalǵan dıpfeıkter. Mundaı vıdeolarda memleket basshylary men sheneýnіkterdі dúkende júrgendeı etіp kórsetedі, al kóp adam ony shyn dep qabyldaıdy.
Taǵy bіr «ázіl túrіnde» balalar ata-analaryna bóten adamnyń úıge kіrіp alǵanyn kórsetetіn jasandy vıdeojіberedі. Polıtsııa shyn shaqyrtýǵa úlgermeı, osyndaı “ázіldіń” qurbany bolýy múmkіn.
«Internettіń ınesіne baılanǵandar bul oıyndardyń artynda qanshama saldar baryn túsіnbeıdі», – dedі ol.
«Ólsheýden asqan ázіl – qylmys»
Depýtat Abaıdyń sózіn eske saldy:
«Ishpek, jemek, kúlmek, kóńіl kótermek – bárіnіń de ólsheýі bar. Ólsheýden assa – zııan».
Osyǵan baılanysty depýtat bіrneshe naqty usynys aıtty. Onyń pіkіrіnshe, eń aldymen prank kezіnde qoǵamdyq tártіptі buzyp, jeke adamnyń ómіrіne qol suqqan tulǵalardy anyqtap, olardyń bіryńǵaı tіzіmіn jasap, kópshіlіkke jarııalaý qajet. Sondaı-aq, qaýіptі prankter arqyly adamnyń ar-namysy men abyroıyna nuqsan keltіrgenderdіń áleýmettіk jelіdegі paraqshalary dereý buǵattalýy tıіs.
Buǵan qosa, áleýmettіk jelі ákіmshіlіkterі qaýіptі prankter men beınejazbalar jarııalanǵan paraqshalardy anyqtap, ol týraly ýákіlettі organdarǵa jedel habarlap otyrýy kerek. Al mundaı terіs qubylystyń aldyn alý úshіn aqparattyq-túsіndіrý jumystaryn júıelі túrde, naqty nátıje beretіn formatta júrgіzý mańyzdy ekenіn aıtty.
Material avtory
