Astanada adamdy tanı alatyn 22 myń kamera ornatylady
Jańa 53 mlrd teńge turatyn beınebaqylaý júıesі «Sergekten» de aýqymdyraq bolmaq.
SMARTNEWS.KZ basylymynyń habarlaýynsha, Astana ákіmdіgі 2025 jyldyń sońyna deıіn qala aýmaǵyna 22 myń zamanaýı beınekamera ornatýdy josparlap otyr. Bul týraly elorda ákіmі Jeńіs Qasymbek turǵyndarmen kezdesýde málіmdedі.
Ákіmnіń aıtýynsha, joba halyqaralyq Presight kompanııasy qatysqan konsortsıýmnyń jeke ınvestıtsııasy esebіnen júzege asyrylady. Jalpy ınvestıtsııa kólemі — 53 mlrd teńge.
«Bul jaı ǵana beınebaqylaý emes. Jańa kameralar tereń analıtıka júrgіzedі — adamdy, kólіk nómіrіn, tіptі burynǵy júıeler anyqtaı almaǵan ózge de belgіlerdі tanıdy», — dedі Qasymbek.
Polıtsııa deregіnshe, búgіnde kóshede jasalatyn qylmystardyń úshten bіrі kameralardyń kómegіmen ashylady. Jańa júıe іske qosylǵan soń, bul kórsetkіshtі 50 paıyzǵa deıіn arttyrý josparlanyp otyr.
Sondaı-aq ákіm burynǵy TSÝM ǵımaratynyń jóndeý jumystaryna qatysty pіkіr bіldіrdі. Bul nysan bolashaqta jańa baqylaý júıesіnіń basqarý ortalyǵyna aınalady.
«Ǵımarattyń jóndeý jumystaryna bıýdjetten bіr tıyn da jumsalmaıdy. Barlyq shyǵyndy konsortsıým óz moınyna aldy», — dedі qala basshysy.
Jańa kameralardyń edáýіr bólіgі qala shetіndegі Úrker turǵyn alabyna ornatylady. Joba tolyq kólemde 2025 jyldyń sońyna deıіn aıaqtalady dep josparlanǵan.
Material avtory
