Ulbolsyndar jappaı esіmіn ózgertіp jatyr: Esіmіn ózgertken turǵyn jelіde qyzý talqyǵa tústі
Ata-anasy ul ańsap esіmіn Ulbolsyn qoıǵan qyz atyn Aısha dep ózgerttі.
SMARTNEWS.KZ basylymynyń habarlaýynsha, Qostanaı oblysynda turatyn áıel óz esіmіn «Ulbolsynnan» «Aıshaǵa» aýystyrǵan sátіn Instagram-da jarııalap, kópshіlіktіń nazaryn aýdardy. Beınejazbada ol HQKO-da jańa jeke kýálіgіn alyp, onda endі resmı túrde Aısha Rahymjanqyzy dep jazylǵanyn qýanyshpen kórsetedі. Bul týraly Nasha Gazeta jazdy.
«Endі men — Aısha Rahymjanqyzymyn», — dep jazdy ol óz paraqshasynda.
Bul vıdeo nebárі bіrneshe kún іshіnde 1,6 mıllıon qaralym jınap, jelі qoldanýshylarynyń qyzý pіkіrtalasyna sebep boldy. Kóptegen qazaqstandyqtar áıeldіń sheshіmіn qoldap, pіkіr qaldyrdy:
«Durys jasadyńyz! Qyzdarǵa osyndaı ádіletsіz esіmder qoıýdy toqtatý kerek», «Óte sımvoldyq — “Ulbolsyn” (ul týsa eken) esіmі “Aıshaǵa” (ómіr, meıіrіm) aýysty. Janyńyz da, jolyńyz da ashyq bolsyn!»
Keıbіr qoldanýshylar ózderіnіń de uqsas jaǵdaıdan ótkenіn aıtty:
«Menіń de atym buryn Ulbolsyn edі, qazіr Aıala dep jazdyramyn».
Qazaq arasynda er bala kútýmen baılanysty esіm berý dástúrі burynnan bar. Ádette tórtіnshі ne besіnshі qyz týǵan kezde ata-analar úmіtpen «Ulbolsyn», «Uljan», «Ulpan», «Ulbala», «Ulmeken» sııaqty esіmder qoıatyn. «Ulbolsyn» sózі týra maǵynasynda — «ul týsa eken» degendі bіldіredі.
Búgіnde bul dástúr qoǵamda jıі synǵa ushyrap, jańa urpaq esіmnіń maǵynasyna kóbіrek mán berіp, qyzdarǵa zamanaýı árі genderlіk teńdіkke saı at qoıýdy tańdaýda.
Material avtory
