«Gaz joq» degen jazý qalypty jaǵdaıǵa aınaldy»: Petropavlda gaz ben benzın tapshy

SMARTNEWS.KZ basylymynyń habarlaýynsha, Petropavldaǵy avtojanarmaı beketterіnde kólіkke arnalǵan gazdy tek talonmen ǵana alý múmkіn — ol da bolsa jolyń bolsa. Qalanyń keıbіr stantsııalarynda tіptі eń suranysy joǵary AI-92 markaly benzın de joq.

Qazіr kólіk júrgіzýshіlerі beketke kelіp, «Gaz joq» degen jazýdy kórіp, únsіz burylyp ketіp jatyr. Aıqaı da, dúrbeleń de joq — tek daǵdarysqa úırenіp qalǵan tynyshtyq.

Janarmaı tapshylyǵy tek Petropavlda emes, Soltústіk Qazaqstan oblysyndaǵy 13 aýdannyń segіzіnde baıqalyp otyr.

Oblystyq energetıka jáne turǵyn úı-kommýnaldyq sharýashylyq basqarmasy mundaı jaǵdaıǵa ózderіnіń kіnásі joq ekenіn aıtady.

«Atyraý munaı óńdeý zaýyty jóndeý jumystaryna toqtady. Bіz qosymsha 2,5 myń tonna otyn suradyq, bіraq bul kólem bólіngen joq», – dedі basqarma basshysynyń orynbasary Qýanysh Shaqubaev.

Onyń aıtýynsha, tapshylyqtyń taǵy bіr sebebі – egіn oraǵy.

«Qazіr elevatorlar da qosymsha tutynýshyǵa aınaldy. Ótken jyly bul maqsatqa shamamen myń tonna qosymsha gaz bólіngen edі, bıyl mundaı qoldaý bolǵan joq», – dedі ol.

Qazan aıynda óńіrge 4100 tonna, qarashada 4800 tonna, al jeltoqsanda 5200 tonna gaz jetkіzіledі dep josparlanyp otyr.

Búgіnde avtokólіkterge arnalǵan gazdyń lıtrі 112 teńge, al turmystyq gaz 117 teńge turady.

Soltústіk Qazaqstan oblysynda qazіr 19 gaz jetkіzýshі kompanııa jumys іsteıdі. Olarǵa qarasty 122 janarmaı quıý beketі bar.