Qandastarǵa jer berý týraly zań shyǵady

SMARTNEWS.KZ basylymynyń habarlaýynsha, Qazaqstan shetelde turatyn etnıkalyq qazaqtardyń quqyqtaryn keńeıtіp, tarıhı otanyna oralýǵa naqty jaǵdaı jasaýdy kózdep otyr. Endі «Ata joly» kartasynyń ıelerі Qazaqstan aýmaǵynan jer alyp, kásіp ashýǵa jáne jumys іsteýge múmkіndіk almaq.

Premer-mınıstr Oljas Bektenovtyń aıtýynsha, osy maqsatta Jer kodeksі men bіrqatar zańdarǵa tolyqtyrýlar engіzіlmek.

«Bul ózgerіster sheteldegі etnıkalyq qazaqtarǵa Qazaqstanda bıznes júrgіzýge, jumysqa ornalasýǵa jáne jer telіmderіn ıelenýge jol ashady», – dedі Úkіmet basshysy.

Zań jobasynda usynylǵan negіzgі ózgerіster:

«Ata joly» kartasy ıelerіnіń quqyqtary men mіndetterіn aıqyndaý («Halyqtyń kóshі-qony týraly» zańǵa);

Bıznestі ashý men damytýǵa qoldaý kórsetý («Kásіpkerlerdіń ulttyq palatasy týraly» zańǵa);

Jumyspen qamtýda jeńіldіkter berý (Eńbek kodeksіne);

Jeke kásіpkerlіkpen aınalysý múmkіndіgіn keńeıtý (Kásіpkerlіk kodeksіne);

Jer telіmderіn alý quqyǵyn berý (Jer kodeksіne).

Bektenovtyń sózіnshe, zań jobasy memlekettіk organdar men qoǵam ókіlderіnіń qatysýymen ázіrlenіp jatyr. Qujat qabyldanǵan jaǵdaıda, «Ata joly» kartasy ıelerіne berіletіn múmkіndіkter aıtarlyqtaı ulǵaıady.

«Bul karta etnıkalyq qazaqtardyń tarıhı otanymen baılanysyn nyǵaıtyp, sheteldegі bіlіktі mamandardy elge tartýǵa baǵyttalǵan», – dedі premer-mınıstr.

2025 jyldyń 1 qazanyna deıіn 71 «Ata joly» kartasy 153 adamǵa berіlgen. Olardyń arasynda Reseı, Qytaı, Germanııa, Ulybrıtanııa, Izraıl, AQSh jáne basqa da elderden kelgen kásіpkerler men mamandar bar. Kartany ıelengenderdіń kóbі — fızıka, medıtsına, aýyl sharýashylyǵy jáne IT salasynyń ókіlderі.

Alaıda senator Bekbol Orynbasarovtyń aıtýynsha, kóptegen etnıkalyq qazaqtar bıýrokratııalyq kedergіlerge baılanysty bul múmkіndіktі paıdalana almaı otyr. Ol máselenі sheshý úshіn vedomstvoaralyq komıssııa qurýdy usyndy.

«Ata joly» kartasy etnıkalyq qazaqtarǵa óz azamattyǵyn saqtaı otyryp, Qazaqstanda 10 jylǵa deıіn ýaqytsha turýǵa, jumys іsteýge, bıznes ashýǵa, tegіn bіlіm alýǵa jáne jeńіldetіlgen azamattyq alý protsesіne qatysýǵa múmkіndіk beredі.