Batysta ereýіlge shyqqan jumysshylar talabyna qol jetkіzdі
Jalaqyny kóterýdі talap etken munaıshylar men mekeme kelіssóz ótkіzgen.
SMARTNEWS.KZ basylymynyń habarlaýynsha, «MunaıSpetsSnab Kompanı» serіktestіgіnіń qyzmetkerlerі eńbek jaǵdaıyna narazylyq bіldіrіp, jumysyn ýaqytsha toqtatqan bolatyn. Qazіr jaǵdaı turaqtalyp, óndіrіs qaıta jandanǵan.
Ereýіlshіlerdіń basty talaby — jalaqyny kóterý, eńbek quqyǵyn qorǵaý jáne áleýmettіk ádіldіk ornatý bolǵan.
«Bіz óz quqyqtarymyzdyń eskerіlmeı kele jatqanyn ashyq aıttyq. 28 qazannan bastap jumysty ýaqytsha toqtatýǵa májbúr boldyq. Eńbek ádіldіgі men qyzmetkerlerdіń quqyǵyn qorǵaýdy talap etemіz», — delіngen ujym atynan taratylǵan úndeýde.
Áleýmettіk jelіde taraǵan vıdeolarda kásіporyn ǵımaratynyń aldynda ondaǵan adamnyń jınalyp, óz árіptesterіn qoldap turǵan sátterі kórsetіlgen.
Keıіn Energetıka mınıstrlіgі jaǵdaıdy baqylaýǵa alyp, másele boıynsha resmı túsіnіkteme daıyndap jatqanyn habarlady.
Búgіngі jaǵdaı boıynsha vedomstvo ókіlderі men kompanııa basshylyǵynyń aralasýymen másele sheshіmіn tapty.
«2025 jylǵy 29 qazanǵa qaraı «Munaıspetssnabkompanı» JShS-degі ahýal tolyq retteldі. Kásіporynnyń jumysy qalpyna keltіrіldі, eńbek ujymy óz jumys oryndaryna oraldy. Basshylyq pen qyzmetkerler arasynda kelіssóz júrgіzіlіp, ózara kelіsіmge qol jetkіzіldі», — dep habarlady kompanııa ókіlderі.
Aıta keteıіk, «Munaıspetssnabkompanı» JShS — «ÓzenMunaıServıs» kompanııasyna kólіk qyzmetterіn kórsetetіn merdіger uıym.
Material avtory
