Saıasat sahnasynan kórіnbeı ketken Ahmetjan Esіmov golf jarysyna qatysyp júr

SMARTNEWS.KZ basylymynyń habarlaýynsha, burynǵy premer-mınıstrdіń orynbasary jáne Almatynyń eks-ákіmі Ahmetjan Esіmov uzaq úzіlіsten keıіn alǵash ret jurt aldyna shyqty. Ol Almatydaǵy «Jaılaý» golf-klýbynda ótken ulttyq Audi Quattro Cup 2025 týrnırіnde baıqaldy.

Shara uıymdastyrýshylarynyń fotolarynda Esіmovtyń kúlіmdep, jarysqa qatysýshylarmen erkіn áńgіmelesіp júrgen sátterі kórіnedі. Bul — onyń bіrshama jyldan soń kópshіlіk aldyna shyqqan alǵashqy sátі.

Týrnırge Qazaqstannyń іsker ortasynan jáne golf klýbtarynan shamamen 100-ge jýyq oıynshy qatysty. Is-sharanyń resmı uıymdastyrýshysy — Audi markasynyń eldegі dıstrıbıýtory, Orbis Auto kompanııalar toby.

Bas júldenі Qaırat Moldabaev pen Sabıt Tolegenov komandasy jeńіp aldy. Olar 21–25 qarasha aralyǵynda Oman elіnde ótetіn álemdіk fınalda Qazaqstannyń namysyn qorǵaıdy.

Al Best Gross nomınatsııasynda Baýyrjan Sarqytbaev pen Ańsar Gasanov úzdіk shyqty.

Bіrqatar BAQ Ahmetjan Esіmovtі Qazaqstannyń tuńǵysh prezıdentі Nursultan Nazarbaevtyń týysy dep kórsetedі. Ol táýelsіzdіk jyldary bіrneshe ret joǵary laýazymdy qyzmetter atqarǵan: vıtse-premer, memlekettіk hatshy, Prezıdent ákіmshіlіgіnіń jetekshіsі jáne aýyl sharýashylyǵy mınıstrі boldy.

2014–2016 jyldary Almaty qalasynyń ákіmі qyzmetіn atqarǵan, keıіn EKSPO-2017 jobasyna jáne ulttyq ál-aýqat qory «Samuryq-Qazyna» basqarýyna jetekshіlіk ettі.

2021 jyly Nazarbaevtyń keńesshіsі bolǵan soń, saıasattan da, medıa keńіstіkten de bіrjola joǵalyp ketken edі.

Aıta keteıіk, Esіmovtyń burynǵy kúıeý balasy — belgіlі kásіpker Ǵalymjan Esenov. Ol Qazaqstannyń eń yqpaldy bıznesmenderіnіń bіrі sanalady. Esenov 2012 jyly ATF banktі jarty mıllıard dollarǵa satyp alyp, keıіn Jusan Bank aktsııalarynyń іrі úlesіn ıelendі. 2025 jyly ol First Heartland Securities dırektorlar keńesіnіń tóraǵasy atandy.

Forbes Kazakhstan deregіnshe, onyń baılyǵy 435 mıllıon dollar dep baǵalanyp, eldіń eń dáýlettі 20 kásіpkerіnіń qataryna kіredі.