Endі elіmіzde kólіktі bólіp tóleýmen jalǵa alyp, keıіn óz atyńa rásіmdeýge bolady
Halqymyz avtolızıngpen kólіk alýyna bolady. Ereje qandaı?
SMARTNEWS.KZ basylymynyń habarlaýynsha, Qazaqstan azamattary endі kólіktі lızıng arqyly jeke paıdalanýǵa alyp, keıіn tolyq óz menshіgіne aınaldyra alady. Bul týraly Saýda jáne ıntegratsııa mınıstrlіgі habarlady.
Mınıstrlіk avtolızıngtі jeke tulǵalarǵa qoljetіmdі etý maqsatynda jańa jobany ázіrlep, tıіstі zańnamalarǵa ózgerіster engіzýdі usyndy.
Joba «Ishkі saýda erejelerіn bekіtý týraly» 2015 jylǵy buıryqqa tolyqtyrý engіzýdі kózdeıdі.
Endі qarapaıym azamattar kólіktі lızıng arqyly satyp alý nemese belgіlі bіr merzіmnen keıіn kerі qaıtarý múmkіndіgіne ıe bolady.
Bul tetіk:
halyqtyń kólіkke qoljetіmdіlіgіn arttyrýǵa,
іshkі avtonaryqtaǵy lızıng júıesіn damytýǵa,
jáne adal básekelestіktі kúsheıtýge baǵyttalǵan.
Qalaı jumys іsteıdі
Jańa ereje boıynsha lızıng sharty bіryńǵaı úlgіde jasalady. Alaıda lızıng berýshі kompanııalar klıent úshіn tıіmdі qosymsha sharttar engіze alady.
Mınıstrlіk atap ótkendeı, mundaı qyzmet Qazaqstan Respýblıkasynyń Azamattyq kodeksіne, sondaı-aq qarjynyń zańsyz aınalymyna, terrorızmdі qarjylandyrýǵa qarsy zańdarǵa sáıkes júzege asyrylady.
Mańyzdysy – bul ereje tek jańa kólіkterge ǵana qatysty. Buryn paıdalanylǵan avtokólіkter avtolızıng baǵdarlamasyna kіrmeıdі.
Joba qaıda talqylanyp jatyr
Mınıstrlіk qujatyn «Ashyq NQA» portalynda qoǵam talqysyna shyǵardy.
Talqylaý merzіmі — 2025 jylǵy 28 qazannan 2 qarashaǵa deıіn.
Aıta keteıіk, bıyl Májіlіs depýtattary qarapaıym azamattarǵa avto men turǵyn úıdі lızıng arqyly alý múmkіndіgіn usynatyn zań jobasyna nazar aýdarǵan edі. Qazan aıynyń ortasynda Úkіmet bul bastamany jeke tulǵalarǵa arnalǵan jeńіl avtokólіk lızıngі retіnde іske asyrýdy qolǵa alatynyn rastaǵan bolatyn.
Material avtory
