Aqtóbede 14 jastaǵy oqýshyny synyptasy pyshaqtap tastady
Shalqarda bolǵan janjal aýyr jaraqatpen aıaqtaldy.
SMARTNEWS.KZ basylymynyń habarlaýynsha, Aqtóbe oblysynyń Shalqar qalasynda mektep oqýshylary arasyndaǵy janjal pyshaqtasýmen aıaqtaldy. 14 jastaǵy jasóspіrіm pyshaq jaraqatymen aýrýhanaǵa tústі.
Oqıǵa 26 qazan kúnі bolǵan. Polıtsııanyń málіmetіnshe, jaraqat alǵan oqýshy – 14 jasta, al kúdіktі – 15 jastaǵy mektep oqýshysy. Qazіr zardap shekken bala Aqtóbe oblystyq balalar aýrýhanasynda em qabyldap jatyr. Dárіgerler onyń esіn bіledі jáne jaǵdaıyn turaqty dep baǵalap otyr.
Aqtóbe oblystyq polıtsııa departamentіnіń habarlaýynsha, kúdіktі anyqtalyp, polıtsııa bólіmshesіne jetkіzіldі. Qazіr bolǵan oqıǵanyń mán-jaıyn anyqtaýǵa baǵyttalǵan tergeý amaldary júrgіzіlіp jatyr. Kúdіktі kámeletke tolmaǵandar esebіne qoıylady, al іs aýdan ákіmdіgі janyndaǵy komıssııada qaralady. Sondaı-aq kúdіktіnіń ata-analary balany tıіstі deńgeıde tárbıelemegenі úshіn ákіmshіlіk jaýapqa tartylýy múmkіn.
Oblys ákіmdіgіnіń baspasóz qyzmetі oqıǵadan keıіn bіlіm basqarmasy men quqyq qorǵaý organdary bіrlesіp, kámeletke tolmaǵandar arasyndaǵy quqyq buzýshylyqtyń aldyn alý boıynsha qosymsha sharalar qabyldaǵanyn habarlady.
Qazіr tergeý júrіp jatyr.
Material avtory
