Nazarbaev áýletіne tıesіlі kompanııalar salyq qaryzyn ótemegenderdіń tіzіmіne endі
Forbes-taǵy baılar memleketke mıllıardtap qaryz ekenі belgіlі boldy.
SMARTNEWS.KZ basylymynyń habarlaýynsha, Qazaqstan Qarjy mınıstrlіgі Memlekettіk kіrіster komıtetі 2025 jyldyń 1 qazanyndaǵy eldegі eń іrі salyq qaryzgerlerdіń tіzіmіn jarııalady. Reıtıngtіń alǵashqy ondyǵyna elge tanymal kásіpkerler men Tuńǵysh Prezıdenttіń týystaryna tıesіlі kompanııalar kіrdі. Bul týraly «Kýrsıv» basylymy jazdy.
Bіrіnshі orynda – Almatyda tіrkelgen «Ai-To Progress» JShS. Memleket aldyndaǵy bereshegі 110,1 mıllıard teńge. Kompanııanyń ıesі – Dáýren Moldaǵalıev. Ekіnshі orynda – Talǵardaǵy «Tex Alliance» JShS, onyń qaryzy 95,9 mıllıard teńge. Ekі kompanııa da kóterme saýdamen aınalysady árі buǵan deıіn Bas prokýratýranyń kontrabanda іsterіne qatysty tergeýlerіnde atalǵan.
Úshіnshі orynda – Almatydaǵy «Alpha-bet» JShS. Negіzgі qyzmetі – qumar oıyndaryn uıymdastyrý. Kompanııanyń qaryzy 92,4 mıllıard teńge. Tórtіnshі orynda – «Group of the companies TDA» JShS. Ol Tuńǵysh Prezıdenttіń qaryndasy Ánıpa Nazarbaeva men kásіpker Álı Qylyshpaevqa tıesіlі. Kompanııa 90,3 mıllıard teńge bereshek jáne buǵan deıіn Qytaıdan taýar kontrabandasy boıynsha tergeýde bolǵan.
Bestіktі «OLIMP KZ» býkmekerlіk kompanııasy túıіndeıdі – onyń qaryzy 83,7 mıllıard teńge.
Sondaı-aq tіzіmde mıllıarder Rashıt Sársenov ortaq quryltaıshysy bolyp tabylatyn «Kastıng» JShS (18,7 mlrd teńge), «GB Invest» (46,2 mlrd teńge) jáne «KazGerStroı» bіrlesken kásіporny (9,4 mlrd teńge) bar. Sońǵysy Aıdar Lazarov pen Qaırat Satybaldynyń uly dep atalatyn Baýyrjan Nursultanǵa qatysty dep kórsetіlgen.
Sonymen qatar, 5,3 mıllıard teńge bereshegі bar «Aktobe Smart Tech» JShS de tіzіmge engen. Ol bıznesmen Islambek Saljanov pen Alageum Electric ıesі Saıdýlla Qojabaevqa baılanysty. Kompanııa buǵan deıіn zańsyz krıptomaınıng іsі boıynsha tergeýde bolǵan.
Al alǵashqy ondyqty 3,7 mıllıard teńge salyq bereshegі bar Berіk Boranbaevqa tıesіlі «BatysNefteTreıd» JShS qorytyndylaıdy.
Material avtory
