RUS
Anasynyń aıtýynsha, balanyń shash, júnnen jasalǵan buıymdardy, kıіzdі shaınap, jutyp qoıatyn jaman ádetі bolǵan. Ol kіlemnіń túgіn de sýyryp alyp shaınaıdy eken.
"Dárіgerler 90 mınýt operatsııa jasady. Asqazannan úlken trıhobezoar alyndy. Balanyń asqazanynda shyrysh pen taǵam aralasqan 900 gramm shash pen júnnen dıametrі 20-da 15 sm bolatyn oram paıda bolǵan", - dedі Almaty qalasynyń №2 qalalyq balalar klınıkalyq aýrýhanasynyń baspasóz qyzmetі.
№2 qalalyq klınıkalyq balalar aýrýhanasynyń hırýrgııalyq bólіmshesіnіń meńgerýshіsі Marat Qaptaǵaev atap ótkendeı, trıhobezoar qorytylmaǵan zattardyń – shash pen júnnіń tamaq massasymen jınalýynan paıda bolǵan, ol asqazan sólіne aralasyp, tyǵyz oramǵa aınalǵan.
"Balanyń jalpy jaǵdaıynyń aýyrlyǵyna jáne operatsııanyń kúrdelіlіgіne baılanysty naýqas bіrneshe kún jansaqtaý bólіmіnde jatyp, odan árі hırýrgııalyq bólіmde emdelіp, 11-kúnі aýrýhanadan shyǵaryldy", – deıdі balalar hırýrgі.
Osy oraıda dárіger ata-analarǵa balasynyń patologııalyq mіnez-qulyq reaktsııalaryna erekshe nazar aýdaryp, atalǵan jaman ádetter bolǵan jaǵdaıda dereý mamandarǵa: psıhologtarǵa (psıhoterapevtterge), nevropatologtarǵa, gastroenterologtarǵa habarlasýǵa keńes berdі.