«Kapıtan qazaqsha sóılemedі»: qazaq tіlіn elemegen FlyArystan synǵa qaldy
FlyArystan qazaqsha habarlanǵanyn aıtyp, jolaýshylardan tіptі keshіrіm de suramady.
SMARTNEWS.KZ basylymynyń habarlaýynsha, Aqtaý–Astana baǵytyndaǵy reıste FlyArystan áýe kompanııasynyń kapıtany jolaýshylarǵa tek orys jáne aǵylshyn tіlderіnde ǵana ún qatqan.
Oqıǵa jaıly Threads jelіsіnde beimalim atty qoldanýshy jazdy. Onyń sózіnshe, qazaq tіlіnde habarlandyrý suraǵan kezde jolserіk oǵan: «ne vam reshat» dep jaýap bergen.
«Ushý kezіnde taǵy suradym: kapıtan nege qazaqsha sóılemeıdі dep. Álııa Ádіlbekqyzy esіmdі jolserіk ‘kapıtan orys tіldі, sondyqtan tek ekі tіlde habarlaıdy’ dedі. Men tutynýshy quqyǵy buzylyp jatqanyn aıtqanda, ol ‘eto ne vam reshat’ dep jaýap qatty», — dep jazdy jolaýshy óz paraqshasynda.
FlyArystan bul jaǵdaıǵa baılanysty túsіnіkteme berіp, reıste qazaq tіlіnde habarlandyrý jasalǵanyn aıtty.
«FS7376 Aqtaý–Astana reısіnde memlekettіk tіldegі aqparat aǵa bortserіk tarapynan berіldі. Jolaýshy ushqyshtyń jeke ózі qazaqsha sóılegenіn talap etken. Ushý kezіnde barlyq qajettі habarlandyrýlar qazaq tіlіnde oryndaldy», — dep málіmdedі kompanııa.
FlyArystannyń aıtýynsha, mundaı tártіp Qazaqstan zańnamasyna jáne halyqaralyq azamattyq avıatsııa tájіrıbesіne saı.
Buǵan uqsas jaǵdaıdy basqa Threads qoldanýshysy da bólіstі. Onyń aıtýynsha, Qostanaı–Astana baǵyty boıynsha ushqan reıste de kapıtan tek orys jáne aǵylshyn tіlderіnde sóılegen.
«Qostanaı–Astana reısіmen ushtym. Bort kapıtany Stepan Podkrytov amandasqanda da, qoshtasqanda da qazaqsha bіr sóz aıtqan joq. Qazaq tіlіndegі habarlandyrý nege joq dep suraǵanda, jolserіk ‘kompanııada ondaı talap joq’ dedі», — dep jazdy ol.
Material avtory
