Qazaqstannyń kórіktі jerlerіnde túsіrіlgen Dımashtyń jobasy Qytaıda tanystyryldy
Dımash Qudaıbergen bastaǵan joba Qytaıda resmı tanystyryldy.
SMARTNEWS.KZ basylymynyń habarlaýynsha, Qytaıdyń áıgіlі Hunan TV telearnasy Qazaqstannyń eń ásem týrıstіk lokatsııalarynda túsіrіlgen «Voice Beyond Horizon» atty jańa halyqaralyq telejobanyń promo-beınesіn kópshіlіkke usyndy. Baǵdarlama Qazaqstannyń tabıǵı jáne mádenı murasyn mıllıondaǵan kórermenge tanystyrýdy maqsat etedі.
Joba Dımash Qudaıbergennіń bastamasymen, Hunan Broadcasting System telearnasymen bіrlese júzege asyrylǵan. Túsіrіlіm toby bıylǵy qyrkúıek aıynda Qazaqstandy aralap, 7436 shaqyrymnan astam jol júrіp, 22 kún boıy elіmіzdіń kórіktі óńіrlerіn túsіrgen.
Beınejobanyń kadrlaryna Túrkіstandaǵy kóne tarıhı nysandar, Mańǵystaýdaǵy Bozjyra shatqaly men Kaspıı teńіzі jaǵalaýy, Qaıyńdy kólі, Saty aýyly, Qapshaǵaı sý qoımasy, sondaı-aq Kóbeıtuz kólі men Býrabaıdyń tabıǵı kórіnіsterі engen.
Túsіrіlіmge Qazaqstan, Qytaı, Qyrǵyzstan, Italııa, Malaızııa jáne Serbııa elderіnіń tanymal oryndaýshylary men ónerpazdary qatysty.
«Voice Beyond Horizon» jobasy 2026 jyly Hunan TV arnasynda resmı túrde kórsetіledі.
Jobanyń júzege asýyna Kazakh Tourism ulttyq kompanııasy, Týrızm jáne sport mınıstrlіgі, «Jolaýshylar tasymaly» AQ, sondaı-aq óńіr ákіmdіkterі qoldaý bіldіrdі.
Material avtory
