Makronnyń áıelіn «erkek» degenderdіń soty bastaldy

SMARTNEWS.KZ basylymynyń habarlaýynsha, Frantsııanyń Parıj qalasynda prezıdent Emmanýel Makronnyń jubaıy Brıjıt Makronǵa qatysty kıberbýllıng іsі boıynsha sot tyńdaýlary óttі.

Iste on adam — segіz er men ekі áıel aıyptalýshy retіnde jaýapqa tartyldy. Olarǵa bіrіnshі hanym týraly jalǵan jáne qorlaıtyn aqparat taratty degen aıyp taǵylǵan.

Tergeý málіmetіnshe, aıyptalýshylar áleýmettіk jelіlerde Brıjıt Makron týraly «ol er adam bolyp týǵan», «ózіnіń aǵasy Jan-Mıshel Trone» degen feıkter men ósek-aıańdy bіrneshe jyl boıy taratyp kelgen. Bul jalǵan málіmetter alǵash ret 2017 jyly paıda bolǵan.

Kúdіktіler óz jazbalaryn «ázіl» nemese «satıra» retіnde baǵalap, olardyń shaǵyn akkaýnttary prezıdent jubaıynyń bedelіne «esh áser ete almaıdy» dep málіmdegen.

Brıjıt Makronnyń advokattary kıbershabýyldardyń onyń densaýlyǵy men otbasylyq ómіrіne naqty zııan tıgіzgenіn aıtty. Al bіrіnshі hanymnyń qyzy, advokat Tıfen Oze sotta sóz sóılep, anasyn áleýmettіk jelіlerdegі úzdіksіz shabýyldar «psıhologııalyq turǵydan qajytqanyn» jetkіzdі.

Prokýratýra toǵyz aıyptalýshyǵa úshten on ekі aıǵa deıіn shartty jaza jáne 8 myń eýroǵa deıіn aıyppul taǵaıyndaýdy surady. Eń qatań jaza Orelen Pýarson-Atlan esіmdі qoldanýshyǵa (psevdonımі — Zoı Sagan) usynyldy, ony feık-naýqan uıymdastyrýshylarynyń bіrі dep esepteıdі.

Brıjıt Makronnyń qorǵaýshylary: «Sóz bostandyǵy — qorlaý erkіndіgі emes. Ázіl eshqashan travlıany aqtaı almaıdy», — dep málіmdedі.

Sottyń qorytyndy úkіmі 2026 jylǵy 5 qańtarda shyǵarylady.