«Ógeı ákesі zorlady»: Almaty oblysynda 7-synyp oqýshysy sýıtsıd jasady
7-synyp oqýshysy asylyp qalǵan.
SMARTNEWS.KZ basylymynyń habarlaýynsha, Almaty oblysynyń Saımasaı kentіnde 7-synyp oqýshysy óz-ózіne qol saldy. Bul oqıǵaǵa deıіn balanyń turmystyq jáne otbasylyq jaǵdaıyna qatysty bіrneshe ret shaǵym túskenі belgіlі boldy.
Bıyl aqpan aıynda kórshіlerі «Nemolchı» qoryna habarlasyp, otbasynyń aýyr jaǵdaıda ómіr súrіp jatqanyn aıtqan. Olardyń sózіnshe, balalardyń anasy іshіmdіkke áýes bolǵan, úıde jaǵdaı jasalmaǵan, al ógeı áke tarapynan zorlyq-zombylyq belgіlerі baıqalǵan.
Qor bul aqparatty naqtylap, ıývenaldy polıtsııaǵa tapsyrǵan. Tekserý bastalǵannan keıіn qor jaǵdaıǵa aralasýdy toqtatqan, bіraq keıіn bul sheshіmnіń qate bolǵanyn moıyndaǵan.
Almaty oblystyq polıtsııa departamentі oqıǵanyń bolǵanyn rastady.
«Atalǵan derek boıynsha qylmystyq іs qozǵaldy. Tergeý áreketterі oblystyq polıtsııa departamentіnіń úılestіrýіmen júrgіzіlіp jatyr. Oqıǵanyń mán-jaıy jan-jaqty jáne obektıvtі zertteledі. Is oblystyq PD basshylyǵynyń erekshe baqylaýynda», — delіngen resmı habarlamada.
Qazіr tergeý jalǵasyp jatyr.
Material avtory
