Oralda ákіmdіk aldynda ashtyq jarııalaǵan belsendіnі polıtsııa alyp kettі
62 jastaǵy Bekbolat Ótebaev beıbіt mıtıng ótkіzý quqyǵyn talap etken edі.
SMARTNEWS.KZ basylymynyń habarlaýynsha, Oral qalasynyń 62 jastaǵy turǵyny, belsendі Bekbolat Ótebaev ákіmdіk aldynda beıbіt jıyn ótkіzý quqyǵyn talap etіp, jalǵyz adamdyq pıketke shyqty. Ol qolyna «Ashtyq. Beıbіt mıtıng ótkіzý quqyǵyn talap etemіz» degen jazýy bar plakat ustap turǵan. Bul týraly «Ýralskaıa nedelıa» basylymy jazdy.
Belsendіnіń aıtýynsha, sońǵy bіr jyl іshіnde ol qymbatshylyqqa qarsy mıtıng ótkіzý týraly ákіmdіkke tórt ret ótіnіsh bergen, bіraq ár joly ruqsat ala almaǵan.
Naýryz aıynda oblystyq sot ákіmdіktіń áreketіn zańsyz dep tanyp, bılіktі azamattardyń beıbіt jıyn ótkіzý quqyǵyn buzbaýǵa mіndettegen. Alaıda Ótebaevtyń sózіnshe, jaǵdaı ózgermegen.
Belsendі buǵan deıіn de bіrneshe ret ustalyp, polıtsııa tarapynan kúsh qoldanylǵanyn, bіr ret kózіnen soqqy alǵanyn aıtqan. Ótebaev — ekіnshі top múgedegі jáne zeınetker. Búgіn ony Oralda ákіmdіk aldynda ashtyq jarııalaǵanda polıtsııa ustap ákettі.
Material avtory
