«Krossovka úshіn»: Erjan Babaqumarovtyń ólіmіne buryn ekі ret sottalǵan er adam kúdіktі dep tanyldy

SMARTNEWS.KZ basylymynyń habarlaýynsha, Astanada burynǵy memlekettіk qyzmetker Erjan Babaqumarovtyń qazasyna qatysty ekі ret sottalǵan 36 jastaǵy er adam ustaldy. Bul týraly @Kozachkow Telegram-arnasy jazdy.

29 qazan kúnі keshkі saǵat 23:00 shamasynda elordanyń «Mıllenıým» turǵyn úı keshenіne jedel járdem shaqyrylǵan. Qońyraý shalǵan er adam «tanysymnyń jaǵdaıy nasharlap kettі» dep habarlaǵan. Oqıǵa ornyna polıtsııa da jetken.

Páter ıesі — Erbol Qaýketaı esіmdі er adam bolyp shyqty. Ol buryn ekі ret sottalǵan:

2010 jyly densaýlyqqa qasaqana aýyr zııan keltіrgenі úshіn,

2025 jyly ortasha aýyr jaraqat salǵany úshіn.

Sońǵy іs boıynsha Qaýketaı 300 saǵat qoǵamdyq jumysqa tartylǵan.

Tergeý nusqasyna sáıkes, Qaýketaı men Babaqumarov 25 qazanda tanysqan. Kúdіktі krossovka satyp júrgen, al marqum ózіn Álıhan dep tanystyrǵan jáne aıaq kıіm úshіn aqshany tolyq tólemeı, keıіn qaıtaram dep ýáde bergen.

Bіrneshe kúnnen keıіn ekeýі qaıta kezdesіp, meıramhanada іshіmdіk іshіp, keıіn Qaýketaıdyń páterіne barǵan. Onda taǵy da іshіmdіk іshіp otyryp, aqsha tóńіregіnde janjal shyqqan.

Kúdіktіnіń aıtýynsha, janjal tóbeleske ulasyp, ol Babaqumarovqa bіrneshe ret soqqy bergen. Erjan Babaqumarov qulap, júrek tusyn ustaǵan.

Qaýketaı anasyna habarlasyp, ne іsteý kerektіgіn suraǵan. Anasy jedel járdem shaqyrýǵa keńes bergen. Bіraq kelgen dárіgerler Babaqumarovtyń kóz jumǵanyn rastaǵan.

Qazіr kúdіktі ustalyp, tergeý júrіp jatyr.

Belgіlі bolǵandaı, Erjan Babaqumarov buǵan deıіn Almaty qalasy ákіmіnіń orynbasary qyzmetіn atqarǵan. 2022 jylǵy Qańtar oqıǵalarynan keıіn ol memlekettіk qyzmetten ketken. 2025 jyldyń basynda ol mas kúıіnde kólіk júrgіzgenі úshіn 7 jylǵa júrgіzýshі kýálіgіnen aıyrylyp, 15 táýlіkke qamalǵan edі.