Aqjarqyn Turlybaıdyń іsі boıynsha basty kúdіktіnі ekstradıtsııalaý máselesі qozǵaldy
Bas prokýratýra Aqjarqynnyń іsі boıynsha mańyzdy málіmdeme jasady.
SMARTNEWS.KZ basylymynyń habarlaýynsha, QR Bas prokýrorynyń orynbasary Ǵalymjan Qoıgeldıev Aqjarqyn Turlybaı іsі boıynsha qazіrgі jaǵdaı men tergeýdіń barysyn túsіndіrdі.
Senatta ótken brıfıngte jýrnalıster Qazaqstannyń Interpol arqyly Nıgerııa azamaty Adındo Nonso Fortýnenі elge ekstradıtsııalaý týraly ótіnіsh joldaǵanyn eske saldy. Ol Aqjarqyn Turlybaı іsі boıynsha kúdіktі retіnde tanylǵan.
«Bul іs jáne buǵan deıіngі barlyq materıal, sonyń іshіnde Aqjarqynnyń іsі de bіzdіń turaqty baqylaýymyzda. Bіz kúdіktіnі elge qaıtarý úshіn barlyq zańdy tetіkterdі paıdalanamyz. Aldymen Interpol onyń qaı jerde júrgenіn anyqtaıdy, sodan keıіn ekstradıtsııa rásіmі bastalady. Qazіr іzdeý nátıjesіn kútіp otyrmyz. Ornalasqan jerі naqtylanǵan sátte, bіrden ekstradıtsııalaý sharasyn qolǵa alamyz», — dedі Ǵalymjan Qoıgeldıev.
Aıta keteıіk, Aqjarqyn Turlybaı 2014 jyldyń naýryz aıynda Qytaıdyń Gýanchjoý áýejaıynda ustalǵan. Tergeý materıaldary boıynsha, onyń sómkesіnen 4,5 kılogramm amfetamın tabylǵan.
Sol kezde ol Malaızııaǵa sán kıіmderіn jetkіzýshі kýrer retіnde jumys іsteýge bara jatqanyn aıtqan.
Qazіrgі tańda Qazaqstan quqyq qorǵaý organdary іstіń negіzgі kúdіktіsі sanalatyn Nıgerııa azamatyn elge ekstradıtsııalaý úshіn halyqaralyq іzdestіrý jarııalaǵan.
Material avtory
