Kórshі elde qazaqstandyq kólіkter úshіn ekіnshі ret ýtılalym tóleý mіndetteldі

SMARTNEWS.KZ basylymynyń habarlaýynsha, Reseıde qazaqstandyq qurastyrýdaǵy kólіk ıelerі qaıtadan ýtılalym tóleýge májbúr bolýda.

Federaldyq keden qyzmetі Hyundai, Kia jáne Skoda markaly 30 myńnan astam avtomobıldіń ıesіnen qosymsha tólem talap etken.

Másele 2024 jyldyń kóktemіnen bastap Eýrazııalyq ekonomıkalyq odaq aıasynda Reseıge jetkіzіlgen kólіkterge qatysty. Ol kezde avtovladelder ýtılalymdy kommertsııalyq mólsherleme boıynsha — 667 myńnan 1,9 mln rýblge deıіn tólegen.

Alaıda qazan aıynan bastap Federaldyq keden qyzmetі bul kólіkterdіń «ımporttyq deklaratsııasy bar» dep sheshіp, taǵy 750 myńnan 3,5 mln rýblge deıіn qosymsha tólem engіzýdі talap etýde.

«Aqsha tólenbese, kólіktіń elektrondy pasporty joıylýy múmkіn», — dep eskerttі vedomstvo.

Kólіk ıelerіnіń aıtýynsha, buǵan deıіn keden eshqandaı suraq qoımaǵan, al jańa talaptar kútpegen jerden paıda bolǵan. Bul rette Ortalyq aktsızdіk keden burynǵy erejemen jumys іstep jatqanda, aımaqtyq bólіmsheler jańa tólemderdі engіzіp otyr.

Kazahstandyq tarap bul máselege aralasýdan bas tartqan. Resmı málіmdemede Reseı Federaldyq keden qyzmetіnіń áreketі Qazaqstan quzyretіne kіrmeıtіnі aıtylǵan.

Al Arhangelsk oblysynda alǵashqy sot іsterі bastalyp, kedennіń shaǵymdary qanaǵattandyrylǵan — kólіk ıelerіne mıllıondaǵan rýbl aıyppul men ósіmpul tóleý mіndetteldі.

Buǵan jaýap retіnde reseılіk kólіk ıelerіnіń bastamashyl toby Federatsııa Keńesіnіń tóraıymy Valentına Matvıenkodan qazaqstandyq qurastyrýdaǵy kólіkterge qatysty óndіrіp alýdy toqtatýdy surady. Ázіrge jaýap berіlmegen.