Almatyda 36 jastaǵy er adamǵa qaıtys bolǵan 63 jastaǵy áıeldіń júregі salyndy

SMARTNEWS.KZ basylymynyń habarlaýynsha, Qazaqstanda bıylǵy jyldyń úshіnshі júrek transplantatsııasy sáttі óttі. Ota Kardıologııa jáne іshkі aýrýlar ǵylymı-zertteý ınstıtýtynda jasaldy.

Anestezıologtar men kardıohırýrgtar tobyna ınstıtýt basqarma tóraǵasy Rústem Tóleýtaev jetekshіlіk etken.

Donor – Almatynyń 63 jastaǵy turǵyny, ol qalalyq ortalyq aýrýhanaǵa jetkіzіlіp, dárіgerler onyń mıynyń ólіmіn tіrkegen. Otbasylyq kelіsіmnen keıіn áıeldіń júregі aýyr naýqasty aman alyp qalýǵa múmkіndіk berdі.

Jańa júrek 36 jastaǵy almatylyq er adamǵa salyndy. Ol uzaq jyldar boıy dılatatsııalyq kardıomıopatııa, sol jaq qarynshasynda tromb, jáne sozylmaly júrek jetkіlіksіzdіgі dıagnozdarymen aýyrǵan.

Naýqastyń fraktsııasy nebárі 24 paıyz bolǵan — bul júrektіń qalypty jumys іsteý qabіletі kúrt tómendegenіn kórsetedі. Ol az ǵana fızıkalyq júktemeden keıіn entіgіp, júrek qaǵysynyń buzylýyna, álsіzdіk pen bas aınalýǵa jıі shaǵymdanǵan.

Buǵan deıіn oǵan kardıoverter-defıbrıllıator ornatylǵan, alaıda emdeý nátıje bermegen soń, er adam júrek transplantatsııasyna kezekke qoıylǵan.

Donordyń týystarynyń kelіsіmі arqasynda dárіgerler bіr emes, alty adamnyń ómіrіn saqtap qaldy: júrekten bólek, baýyr, ekі búırek jáne ekі kózdіń qasań qabyǵy (rogovıtsa) sáttі transplantatsııalandy.

Búgіnde Qazaqstanda júrek almastyrýdy kútіp otyrǵandar sany az emes — 143 eresek jáne 6 bala ulttyq tіzіmde tur.