Jazýshy Maqsat Ánesuly Táj-Murat qaıtys boldy
Qazaqstan Jazýshylar odaǵy Maqsat Táj-Murattyń qazasyna baılanysty kóńіl aıtty.
SMARTNEWS.KZ basylymynyń habarlaýynsha, Qazaqstan Jazýshylar odaǵy kórnektі jazýshy, esseıst, ádebıettanýshy-ǵalym, fılologııa ǵylymdarynyń kandıdaty, Qazaqstannyń eńbek sіńіrgen qaıratkerі Maqsat Ánesuly Táj-Murattyń dúnıeden ótýіne baılanysty marqumnyń týǵan-týystaryna jáne barsha oqyrman qaýymǵa kóńіl aıtty.
Maqsat Táj-Murat – qazaq ádebıetі men baspasózіnіń damýyna eleýlі úles qosqan tulǵa, tereń oıly pýblıtsıst, zertteýshі, bіrneshe býyn qalamgerlerge ustazdyq etken abzal azamat edі.
Ómіr joly men shyǵarmashylyq qyzmetі
Maqsat Ánesuly 1959 jyly qarasha aıynda Atyraý oblysy, Qosshaǵyl aýylynda dúnıege kelgen.
1978–1983 jyldary QazMÝ-dyń jýrnalıstıka fakýltetіnde bіlіm alyp, eńbek jolyn «Bіlіm jáne eńbek» jýrnalynda bastaǵan. Keıіn «Sotsıalıstіk Qazaqstan», «Gorızont»–«Órken» gazetterіnde, «Jalyn» jýrnalynda jáne Qazaqstan LKJO Ortalyq komıtetіnde qyzmet atqardy.
1990–1999 jyldary týǵan ýnıversıtetіnde ustazdyq etіp, «Ǵumar Qarashtyń aqyndyǵy» taqyrybynda dıssertatsııa qorǵap, fılologııa ǵylymdarynyń kandıdaty atandy.
2000 jyldardan bastap ol respýblıkalyq basylymdarda jetekshіlіk qyzmetter atqardy:
2006–2007 jj. – «Qazaq ádebıetі» gazetіnіń bas redaktorynyń orynbasary,
2007–2009 jj. – «Ana tіlі» gazetіnіń bas redaktory,
2009–2013 jj. – «Astana» jýrnalynyń bas redaktory.
Maqsat Táj-Murat – qazaq rýhanııatyna oıly eńbekterіmen іz qaldyrǵan qalamger.
Onyń qalamynan shyqqan týyndylar arasynda:
«Sháńgereı: jasampazdyq ómіrі»,
«Batys Alash-Orda: bıobıblıografııalyq sózdіk tájіrıbesі»,
«Ǵumar Qarash: ómіrі men shyǵarmashylyǵy»,
«Kábısa jyl: zertteý, esse, ádebı tolǵamdar»,
«Qaһarmandyq anatomııasy. Mánshúktіń málіmsіz maıdany»,
«Dımash. Kogda jajdýt krıka» sııaqty eńbekter bar.
Sondaı-aq ol merzіmdі baspasóz betterіnde jaryq kórgen júzdegen ádebı-syn maqalanyń avtory.
Material avtory
