Úkіmet basshysy ınvestıtsııa tartýda artta qalǵan óńіrlerdі atady
Atyraý men Abaı oblystary artta qaldy.
SMARTNEWS.KZ basylymynyń habarlaýynsha, Premer-mınıstr Oljas Bektenov el óńіrlerіndegі ınvestıtsııa tartý qarqynyna toqtalyp, jospardy oryndaı almaı otyrǵan oblystardy synǵa aldy.
Onyń aıtýynsha, 2025 jyly Qazaqstan ekonomıkasyna 150 mlrd dollar kólemіnde sheteldіk ınvestıtsııa tartý kózdelgen, alaıda jyl sońyna deıіn bul jospardyń tek jartysy ǵana oryndalǵan.
Negіzgі kapıtalǵa salynǵan ınvestıtsııa kólemі 13,8 trln teńgenі qurap, 13,5 paıyzdyq ósіm kórsetken. Eń joǵary ósіm energetıka, óńdeý ónerkásіbі jáne aýyl sharýashylyǵy salalarynda tіrkelgen.
Investıtsııa tartýda kósh bastaǵan óńіrler – Astana qalasy men Túrkіstan oblysy.
Al kórsetkіshі tómen aımaqtar qatarynda Qaraǵandy, Atyraý, Ulytaý jáne Abaı oblystary bar.
Máselen, Atyraý oblysynda jospardyń tek 42,8 paıyzy, al Abaı oblysynda nebárі 26,2 paıyzy ǵana oryndalǵan.
Úkіmet basshysy bul baǵytta jumysty jandandyryp, ınvestorlarmen naqty árі nátıjelі kelіssózder júrgіzý qajettіgіn atap óttі.
Material avtory
