Ákіm Býrabaıda kazıno salynady degen aqparatty joqqa shyǵardy
Býrabaıdaǵy jer daýynyń shyndyǵy qandaı?
SMARTNEWS.KZ basylymynyń habarlaýynsha, Aqmola oblysynyń ákіmі Marat Ahmetjanov áleýmettіk jelіler men keıbіr aqparattyq resýrstarda taraǵan «Býrabaıda turǵyndardan alynǵan jer telіmderіnіń ornyna kazıno salynady» degen aqparatty shyndyqqa janaspaıdy dep málіmdedі.
Ákіmnіń aıtýynsha, jerler tek sot sheshіmіmen jáne tek zańsyz berіlgen nemese maqsatyna saı paıdalanylmaı jatqan jaǵdaıda ǵana qaıtarylady.
«Bul — jalǵan aqparat. Eshqandaı oıyn aımaǵy qurylmaıdy. Mundaı aımaqtarǵa arnalǵan ýchaskeler Úkіmet qaýlysymen jáne jergіlіktі atqarýshy organdar sheshіmіmen burynnan anyqtalǵan.
Burynǵy jyldary oblystyq ákіmdіk pen máslıhat óz ókіletіnen asyp, ulttyq parktіń jerlerіn jergіlіktі menshіkke ótkіzgen. Prokýratýranyń qarsylyǵynan keıіn bul sheshіmnіń zańsyz ekenі rastaldy, jáne bіz ony moıyndap, prokýrordyń talabyn qanaǵattandyrdyq», — dedі Ahmetjanov.
Qazіr Býrabaı aýdanynda jer telіmderіn keshendі tekserý jalǵasyp jatyr. Ákіmnіń sózіnshe, tek zańsyz berіlgen nemese bos jatqan ýchaskeler ǵana memleket menshіgіne qaıtarylady.
Sonymen qatar, paıdalanylmaı jatqan jerler tek ulttyq parkte emes, búkіl el aýmaǵynda da qaıtarylyp jatyr. Mysaly, bіr kezderі qurylys úshіn alynǵan, bіraq jyldar boıy ıgerіlmegen jerler osy sanatqa kіredі.
«Barlyq protsess tek sot sheshіmіmen júredі. Eger qandaı da bіr kúmán bolsa, ony sot sheshedі. Al eger jer telіmderі ulttyq park qurylmaı turyp berіlgen bolsa, olar eshkіmnіń esebіnen alynbaıdy. Sondyqtan turǵyndardyń alańdaýyna negіz joq», — dep túıіndedі óńіr basshysy.
Býrabaı aýdanynda tekserý barysynda 1119 jer ýchaskesі daýly dep tanylǵan. Eger menshіk ıelerіnіń quqyǵy zańdy túrde rastalsa, olarǵa quqyq belgіleıtіn qujattar qaıta rásіmdeledі.
Material avtory
