«Qaısar» klýby jekemenshіkke óttі. Klýbty kіm satyp aldy?
Jańa basshylyq Qyzylordalyq klýbqa 12 mlrd teńge ınvestıtsııa salmaq.
SMARTNEWS.KZ basylymynyń habarlaýynsha, Qyzylordanyń basty fýtbol brendі – «Qaısar» klýby resmı túrde jeke basqarýǵa berіldі. Bul sheshіm Memleket basshysy Qasym-Jomart Toqaevtyń sport ınfraqurylymyn damytý jáne fýtbol klýbtaryn jekeshelendіrý jónіndegі tapsyrmasyna sáıkes qabyldandy.
30 qazannan bastap «Qaısardy» «TAU Group LTD» kompanııasynyń basshysy Islamǵalı Qozbaqov basqarady.
Jańa menedjment klýbty qaıta túletіp, 12 mlrd teńge ınvestıtsııa salýdy josparlap otyr. Bul qarajat akademııany damytýǵa, ınfraqurylymdy jańartýǵa jáne komanda sapasyn kóterýge baǵyttalady.
Joba aımaq sportynyń básekege qabіlettіlіgіn arttyrýdy, jastardy kásіbı fýtbolǵa tartýdy jáne Qyzylorda fýtbolynyń jańa dáýіrіn bastaýǵa jol ashýdy kózdeıdі.
Qyzylorda oblysynyń ákіmdіgі men Qazaqstan fýtbol federatsııasy bul qadamdy sportty jeke sektorǵa senіp tapsyrýdyń oń úlgіsі dep baǵalady.
Material avtory
