Burynǵy HQKO qyzmetkerі Reseıde jasyrynyp júrіp ustaldy

SMARTNEWS.KZ basylymynyń habarlaýynsha, burynǵy HQKO qyzmetkerі, júk kólіkterіn zańsyz tіrkeýmen aınalysqan qylmystyq top múshesі Reseıden Qazaqstanǵa ekstradıtsııalandy. Bul týraly Bas prokýratýra habarlady.

Tergeý nusqasyna saı, kúdіktі 2022–2023 jyldary «Azamattarǵa arnalǵan úkіmet» memlekettіk korporatsııasynda maman bolyp іstep, kólіk ıelerіne alǵashqy tіrkeý alymyn tólemeı-aq júk kólіkterіn rásіmdeýge kómektesken.

«Qylmystyq top quramynda ol derekter bazasyna jalǵan aqparat engіzіp, tólem jasalǵandaı etіp kórsetken. Nátıjesіnde el aýmaǵynda shetelden ákelіngen 481 júk kólіgі zańsyz tіrkeýden óttі. Memleketke keltіrіlgen shyǵyn kólemі – 3,7 mıllıard teńge,» – delіngen prokýratýra habarlamasynda.

Qylmys ashylǵannan keıіn er adam іzіn sýytyp, Reseıge qashqan. Ol 2025 jyldyń naýryzynda Máskeý oblysynda ustalyp, qazaqstandyq quqyq qorǵaý organdaryna tapsyryldy. Qazіr kúdіktі tergeý ızolıatorynda otyr.

Qoldanystaǵy zań boıynsha, mundaı áreket úshіn on jylǵa deıіn bas bostandyǵynan aıyrý jáne múlіktі tárkіleý jazasy qarastyrylǵan.

Aıta ketsek, buǵan deıіn Shymkentte HQKO júıesіne qatysty taǵy bіr іrі іs tergeýge alynǵan. Onda qyzmetkerler aqshaǵa júrgіzýshі kýálіkterіn emtıhansyz rásіmdegen. Tergeý málіmetіnshe, bul qylmystyq shemadan 15 adam paıda kórіp, zańsyz tabys kólemі 150 mıllıon teńgeden asqan.