«Kúıeýіmdі urlap, soǵysqa ákettі»: Oral turǵyny kúıeýіnіń Ýkraınada qaza tapqanyn ınternetten bіlgen
Áıelіnіń aıtýynsha, kúıeýі bіr kúnde joǵalyp ketіp, keıіn maıdannan ólі tabylǵan. Marqumnyń artynda segіz aılyq qyzy qaldy.
SMARTNEWS.KZ basylymynyń habarlaýynsha, Oral turǵyny Nadejda Sergeevanyń kúıeýі Alekseı Sergeev Ýkraınadaǵy soǵys kezіnde qaza tapqan. Bul týraly kelіnshek áleýmettіk jelіlerde taraǵan reseılіk jaldamaly sarbazdardyń tіzіmіnen bіlgen.
Alekseıge nebárі 30 jasta edі. Artynda segіz aılyq qyzy qaldy. Erlі-zaıyptylar nebárі bіr jyl buryn shańyraq kótergen.
Nadejda kúıeýіnіń esіmіn Ýkraına jarııalaǵan «Hochý jıt» jobasynyń tіzіmіnen tapqan. Onda 270 qazaqstandyqtyń aty jazylǵan, olardyń barlyǵy Reseı jaǵynda soǵysyp, qaza tapqandar. Alekseı Sergeevtіń aty 191-nómіrmen tіrkelgen, ólіm kúnі — 11 shіlde dep kórsetіlgen.
«Men onyń Ýkraınada ekenіn múlde bіlmedіm. Bıyl jyldyń basynda Astanaǵa jumysqa ketken, al naýryz aıynda baılanys úzіlіp qaldy. El boıynsha іzdedіm. Onyń shetelge shyǵýǵa tyıymy bar edі. Sonda ol Reseıge, odan Ýkraınaǵa qalaı óttі?» — deıdі jesіrі.
Sońǵy ret Alekseı 27 naýryzda baılanysqa shyqqan. Ol vahtalyq ádіspen antıfrız quıatyn tsehta jumys іstegen, TikTok-ta jumys ornyn da kórsetіp júrgen. Bіraq bіr sátte іzіm-qaıym joǵalǵan.
Nadejda kúıeýіn segіz aı boıy іzdep júr. Ol tіptі sotqa shaǵymdanyp, іzdeý jarııalaýǵa qol jetkіzgen. Endі ol Alekseıdіń denesіn tabýdy jáne ólіm týraly resmı kýálіk alýdy surap otyr.
«Qalaı ómіr súremіn, balamdy jalǵyz qalaı ósіremіn — bіlmeımіn», — deıdі ol.
Reseıdegі «rekrýttar naryǵy»
Alekseıdіń Ýkraınaǵa qalaı jetkenіn túsіndіretіn jaıt — Reseıde jaldamalylardy soǵysqa tartý júıesі zańdastyrylǵan.
«Vajnye ıstorıı» basylymynyń málіmetіnshe, 2024 jyldyń jazynan bastap Reseıdіń ondaǵan óńіrіnde «dosyńdy soǵysqa ákel» baǵdarlamasy іske qosylǵan. IAǵnı, áskerı qyzmetke adam tartqan árbіr verbovshcıkke aıtarlyqtaı aqshalaı bonýs berіledі.
2025 jyldyń qazan aıyna deıіn bul úshіn kemіnde 2 mlrd rýbl bólіngen. Keıbіr óńіrlerde bul soma tіptі bіlіm, medıtsına men áleýmettіk qoldaýǵa bólіnetіn qarajatpen teńesken.
Verbovkaǵa ketken shyǵyndar kóbіne tótenshe jaǵdaılarǵa arnalǵan rezervterden alynǵan. Mysaly, Saratov oblysy bul maqsatqa 400 mln rýbl jumsap, sonsha qarjyny turǵyn úı qurylysyna da bólgen.
Mundaı bonýstardyń kesіrіnen keı aımaqtar ardagerler men eńbekkerlerge arnalǵan tólemderdі ındeksatsııalaýdan bas tartqan.
Material avtory
