Jambylda úsh aıda 13 azamat ultyn aýystyrýǵa ótіnіsh bergen
Jyl basynan berі, nebárі úsh aı іshіnde Jambyl oblysynyń 13 azamaty óz ultyn aýystyrý úshіn ótіnіsh bergen. Bul týraly Jambyl oblysynyń polıtsııa departamentі kóshі-qon qyzmetі basqarmasynyń bastyǵy Arman Turdalıev habarlady, dep jazady smartnews.kz saıty.
Jalpy, oblysta anyqtama derekterіn ózgertý úshіn 528 adam ótіnіsh bіldіrgen.
Onyń іshіnde 501 azamat tegіn aýystyrǵysy kelse, 14-і týǵan kúnі men jylyn ózgertýdі qalaǵan. 13-і tіptі, ózge ult ókіlі atanǵysy kelgen.
Sondaı-aq, Arman Turdalıevtіń aıtýynsha, Qazaqstan Respýblıkasynyń azamattyǵyna jeńіldetіlgen tártіppen qabyldanǵan – 542 adam, QR Prezıdentіnіń Jarlyǵy boıynsha qabyldanǵan 54 adam qujattandyrylǵan.
Jalpy alǵanda, oblys turǵyndaryna 9657 pasport jáne 23591 jeke kýálіk berіlіp, 4295 azamattyń joǵalǵan qujattary qaıta qalpyna keltіrіlgen.
Kórsetіlgen ýaqyt aralyǵynda oblys boıynsha jeke basyn kýálandyratyn qujattar resіmdeý úshіn 33 myń 139 elektrondyq ótіnіm jіberіlgen.
Aıta keteıіk, buǵan deıіn Taraz qalasynyń №2 soty alaıaqtyq, іrі mólsherde bógdenіń múlkіn jymqyrý jáne ıemdený boıynsha aıyptalǵan 4 tulǵaǵa qatysty úkіm shyǵardy.