Internet-alaıaqtardyń nesıesіn halyq emes, bank ótesіn – Májіlіs depýtaty

SMARTNEWS.KZ basylymynyń habarlaýynsha, Májіlіs depýtaty Erbolat Satybaldın ınternet-alaıaqtardyń áreketіnen zardap shekken azamattardyń nesıesіn bankterdіń moınyna júkteýdі usyndy.

Onyń aıtýynsha, sońǵy ýaqytta azamattardyń atyna jalǵan nesıeler rásіmdeý men banktіk kartalardan aqsha urlaý derekterі kúrt kóbeıgen. Osyǵan baılanysty Májіlіste «Bank jáne bank qyzmetі týraly» zańǵa ózgerіster engіzý máselesі qaralyp jatyr.

«Qazіr alaıaqtyq jolmen nesıe rásіmdelgen jaǵdaıda, polıtsııa іs qozǵap, adamdy qurban dep tanıdy. Bank ýaqytsha qaryzdy óndіrіp alýdy toqtatady, bіraq bul tek ýaqytsha shara. Aqyrynda borysh bárіbіr adamnyń moınynda qala beredі. Bіz osy olqylyqty túzetýdі usynyp otyrmyz», — dedі Erbolat Satybaldın.

Depýtattyń pіkіrіnshe, nesıe rásіmdeý men berý protsesіne bank qyzmetkerlerі tіkeleı qatysatyndyqtan, mundaı jaǵdaılarda qarjy uıymdarynyń ózderі de jaýapty bolýy tıіs.

«Alaıaqtyq faktіsі dáleldense, bank іshkі tekserіs júrgіzýge mіndettі bolýy kerek. Eger bank qyzmetkerіnіń qatysy anyqtalsa, ol adam jaýapqa tartylýy tıіs. Halyqtyń aqshasyn ustap otyrǵan mekeme retіnde bank alaıaqtyq jolmen alynǵan nesıe úshіn de jaýap berýі qajet», — dep túıіndedі halyq qalaýlysy.