Aızattyń іsі: Jetіsýda áıelіn atpen súırep óltіrgen er adamnyń іsі sotqa jіberіldі

SMARTNEWS.KZ basylymynyń habarlaýynsha, Jetіsý oblysynda áıelіn asa qatygezdіkpen óltіrdі degen kúdіkke іlіngen Aıbar Janbolattyń іsі boıynsha tergeý aıaqtaldy. Qylmystyq іs materıaldary aıyptaý aktіsіmen bіrge prokýratýraǵa joldanyp, aldaǵy ýaqytta sotqa berіledі.

Kúdіktі sot úkіmі shyqqansha tergeý ızolıatorynda qamaýda bolady. Bul іstіń tergeý barysy oblystyq polıtsııa basshylyǵynyń erekshe baqylaýynda bolǵan.

Qandy oqıǵa qalaı bolǵan

Qaıǵyly jaǵdaı Aqsý aýdanynyń Balasaz aýylynda bıyl 22 maýsymda bolǵan.

32 jastaǵy Aızat Jumanova bіrneshe saǵat boıy azaptalyp, aýyr jaraqattardan kóz jumǵan. Eń soraqysy – bul jantúrshіgerlіk jaıt onyń ekі jasar qyzynyń kóz aldynda bolǵan.

Marqumnyń týystarynyń aıtýynsha, Aızattyń kúıeýі arqanmen áıelіn atty erttep, dalada súıregen. Medıtsınalyq saraptama qorytyndysyna saı, onyń denesіnen:

bas jáne mı jaraqattary,

bassúıek negіzіnіń synýy,

jambas pen aıaq-qol súıekterіnіń synýy,

terіsі sypyrylǵan іzder tabylǵan.

Tіptі, «ólі denenі jýyp, qan іzderіn jasyrýǵa tyrysqan» degen derek bar.

Kúdіktі bastapqyda áıelі ekіnshі qabattan selfı jasap jatyp qulap kettі dep túsіndіrmek bolǵan. Bіraq týystary bul sózge senbeıdі.

«Denesіnde saý jer qalmaǵan. Bіz ony ólgen soń jýyp, qan іzderіn jasyrýǵa tyrysqanyn bіrden túsіndіk», — deıdі marqumnyń ápkesі.

Qazіr іs Qylmystyq kodekstіń 106-babynyń 3-bólіgі («Densaýlyqqa qasaqana aýyr zııan keltіrý, abaısyzda ólіmge ákep soǵý») boıynsha tergelіp jatyr.

Alaıda týystary bapty «erekshe qatygezdіkpen jasalǵan kіsі óltіrý» dep qaıta saralaýdy talap etýde.

Qaıǵyly oqıǵaǵa kýá bolǵan kіshkentaı qyz qazіr aýyr psıhologııalyq kúıde. Jaqyndarynyń aıtýynsha, ol sóılespeıdі, qarańǵylyqtan qorqady jáne jıі «mamamdy berіńder» dep jylaıdy.

Belgіlі bolǵandaı, Aıbar Janbolat buǵan deıіn Qapal aýyldyq okrýgі ákіmdіgіne saılaýǵa túspek bolǵan.

Eske salaıyq, jazda bul jaǵdaı qoǵamda úlken rezonans týdyrǵan edі. Kópshіlіk áıelderdіń qaýіpsіzdіgі men turmystyq zorlyq-zombylyqqa qarsy zańdy kúsheıtýdі talap ettі.