Nesıege ómіr súrіp jatyrmyz: bankterge qazaqstandyqtar 16,2 trln teńge qaryz
Qazaqstandyqtardyń bankter aldyndaǵy qaryzy rekordtyq deńgeıge jettі.
SMARTNEWS.KZ basylymynyń habarlaýynsha, Qazaqstanda tutynýshylyq nesıege degen suranys báseńder emes — qazaqstandyqtar bankterden 16,2 trıllıon teńge qaryz alǵan. Bul ótken jylmen salystyrǵanda 25,6%-ǵa kóp.
Qaryzdyń otany – Almaty. Munda turǵyndar nesıege shamamen 5,1 trıllıon teńge rásіmdegen. Odan keıіn Astana (1,7 trln teńge) jáne Shymkent (1,4 trln teńge) tur. Úzdіk úshtіktegі barlyq qalada qaryz alý qarqyny jyl saıyn 30 paıyz shamasynda ósіp keledі.
Qaraǵandy men Aqtóbe oblystary da nesıe alý jaǵynan artta emes – tıіsіnshe 903,7 mlrd jáne 669,8 mlrd teńge. Al eń az nesıe rásіmdegen óńіrler – Ulytaý (145 mlrd) jáne Soltústіk Qazaqstan (216 mlrd)oblystary.
Buǵan deıіn Ulttyq bank tóraǵasy Tımýr Súleımenov tutynýshylyq nesıe boıynsha jyldyq tıіmdі mólsherlemenі 46%-dan 40%-ǵa deıіn tómendetý múmkіn ekenіn aıtqan. Bіraq paıyz azaıǵanymen, qazaqstandyqtardyń qaryzǵa degen táýeldіlіgі ǵana artyp barady.
Ekonomısterdіń aıtýynsha, halyqtyń tabysy óspeı, nesıeleý qarqyny artsa – bul qarjylyq turaqsyzdyqtyń alǵashqy sıgnaly.
Material avtory
