Qazaqstan alǵashqy bop jasandy ıntellekt ýnıversıtetіn qurady

SMARTNEWS.KZ basylymynyń habarlaýynsha, Qazaqstan bolashaqqa batyl qadam jasap, jasandy ıntellektke (JI) mamandar daıarlaıtyn jańa ýnıversıtet qurýǵa kіrіstі. Álemde sırek kezdesetіn mundaı oqý orny tsıfrlyq tehnologııalar salasynda kóshbasshy bolýǵa jol ashady. Joba amerıkandyq Minerva ýnıversıtetіnіń prezıdentі Ben Nelsonnan qoldaý tapty.

Nelsonnyń aıtýynsha, Qazaqstannyń bastamasy strategııalyq mańyzǵa ıe jáne eldі JI men tsıfrlyq ınnovatsııalar boıynsha aldyńǵy qatarǵa shyǵara alady.

«Qazaqstan órshіl árі alysqa kóz tіgetіn memleket ekenіn kórsetіp otyr. JI ýnıversıtetіn qurý — ýaqyt talabyna jaýap», — dedі ol.

Mamannyń pіkіrіnshe, jańa ýnıversıtet tek tehnologııalardy oqytýmen shektelmeı, jasandy ıntellekttіń ózіn oqý protsesіnіń negіzgі bólіgіne aınaldyrady. Intellektýaldy júıeler ár stýdentke jeke oqý josparyn jasap, onyń qabіletіn taldap, álsіz tustaryn anyqtap, nátıjesіn jaqsartý tásіlderіn usynatyn bolady.

«JI adamnyń ornyn baspaıdy, oǵan kómektesedі», – dep atap óttі Nelson.

Sonymen bіrge mundaı modelde oqytýshynyń rólі joıylmaıdy, kerіsіnshe kúsheıedі. Professorlar endі stýdentterdіń synı oılaýyn, logıkasyn jáne tehnologııanyń etıkalyq qyryn damytýǵa kóbіrek kóńіl bóledі. Al kúndelіktі rýtınany — tapsyrmalardy tekserý, progrestі baqylaý sııaqty jumystardy JI atqarady.

Ben Nelson Qazaqstanda mundaı ýnıversıtettі іske qosýǵa qajettі barlyq alǵyshart bar ekenіn aıtty: jas árі ambıtsııaly qoǵam, ınnovatsııaǵa memlekettіk qoldaý jáne myqty joǵary bіlіm júıesі.

«Bul ýnıversıtet – stýdentpen bіrge damıtyn, únemі jetіldіrіletіn tіrі júıe bolýy tıіs», – dedі ol.

Eske salsaq, buǵan deıіn prezıdent Qasym-Jomart Toqaev jasandy ıntellektke mamandanǵan jańa zertteý ýnıversıtetіn qurýdy tapsyrǵan bolatyn.