Lývrdaǵy urlyq jasaǵandar «kásіbı banda» emes, qarapaıym urylar
Urylar 7 mınýtta tonaǵanymen, ózderіn ustap beretіn aıǵaqtardy qaldyryp ketken kórіnedі.
SMARTNEWS.KZ basylymynyń habarlaýynsha, Parıj prokýrory Lor Bekkonyń aıtýynsha, Lývrdaǵy zergerlіk buıymdardy urlaýǵa talpynǵandar — tájіrıbesіz, áleýmettіk jaǵdaıy tómen aýdandardan shyqqan usaq qylmyskerler.
Onyń sózіnshe, ustalǵandar buǵan deıіn tek qaltaǵa túsіp júrgenі úshіn jaýapqa tartylǵan. Oqıǵa kezіndegі áreketterі de naǵyz dıletant ekenderіn kórsettі: jospar joq, uıymdasqan topqa tán іz joq, al qatelіk kóp.
Qaraqshylardyń sheber emestіgіnіń basty dálelі — olar qashyp bara jatyp eń qundy jádіgerdі… ózderі-aq tastap ketken. Qoldarynan sýsyp ketken Evgenııa patshaıymnyń altynnan, asyl tastardan jasalǵan tájіn jerge qaldyryp, qasha jónelgen.
Sonymen qatar olar murajaı іshіnde ózderі paıdalanǵan quraldardy qaldyryp ketken — demek, DNQ «syılyq» bolyp qalǵany anyq.
Qazіrgі tańda bes kúdіktі qamaýǵa alynǵan. Bіraq urlanǵan zergerlіk buıymdar álі tabylǵan joq. Qylmyskerlerdіń bіlіksіzdіgіne qaramastan, eń bastysy — ol qazynalar qaıda ekenі jumbaq kúıіnde.
Frantsııa prezıdentі Emmanıýel Makron bul іske jeke nazar aýdaryp, urlanǵan buıymdar mіndettі túrde qaıtarylatynyn aıtty.
Material avtory
