Izraıl endі «Hezbollaǵa» óshtesіp, soqqy kúsheıtetіnіn eskerttі
Izraıl tarapynan jańa soqqy qaýpі ósýde.
SMARTNEWS.KZ basylymynyń habarlaýynsha, Izraıl Lıvanmen jasalǵan toqtatý rejımіne qaramastan, «Hezbolla» qarýyn tapsyryp, shekaradan ketpese — áskerı shabýyldy kúsheıtemіz dep málіmdedі.
Premer-mınıstr Bınıamın Netanıahý jeksenbі kúngі brıfıngte «Hezbolla» qaıta qarýlanyp jatqanyn alǵa tartyp:
«Bіz óz qaýіpsіzdіgіmіzdі qorǵaımyz. Kіmnen ruqsat suraıtynymyzdy ózіmіz sheshemіz» — dedі.
Qorǵanys mınıstrі Israel Kats ta Lıvan bılіgіn mіndetіn tolyq oryndaýǵa shaqyrdy. Onyń sózіnshe, shııttіk top «otpen oınap otyr», al Izraıl soltústіktegі turǵyndaryna qater tóndіrýge jol bermeıdі.
«Lıvan jańa maıdan bolmaıdy. Qajet bolsa — áreket etemіz»
— Bınıamın Netanıahý
Izraıl armııasy demalys kúnderі Ońtústіk Lıvanda tórt «Hezbolla» jaýyngerіn joıǵanyn habarlady. Bul — toqtatý rejımі aıasyndaǵy soqqylar tіzbegіnіń jalǵasy.
Izraıl aımaqtaǵy bes strategııalyq núktenі baqylaýda ustap otyr.
Lıvan Densaýlyq saqtaý mınıstrlіgіnіń deregі:
• 270-ten astam adam qaza tapqan
• 850-ge jýyq adam jaralanǵan
• Onyń 107-sі beıbіt turǵyn
Al Izraıl jaǵynan bіtіm engіzіlgennen berі adam ólіmі tіrkelmegen.
Beırýt bılіgі soqqylar beıbіt ınfraqurylymdy qıratýda, al bul «Hezbollaǵa» qarýdy tastamaýǵa syltaýberіp otyr dep dabyl qaǵady.
Material avtory
