Meksıka ákіmіn «Ólіler kúnі» merekesіnde kópshіlіktіń kózіnshe atyp kettі
Qaýіpsіzdіk kúsheıtіlse de, meksıkalyq saıasatkerlerge shabýyldar toqtamaı tur. Taǵy bіr mer óltіrіldі.
SMARTNEWS.KZ basylymynyń habarlaýynsha, Meksıkanyń Ýrýapan qalasynyń merі Karlos Manso «Ólіler kúnі» merekesі kezіnde atyp óltіrіldі. Qala alańynda turǵyndarǵa arnap sóılegennen keıіn bіrden oq jaýdyrylǵan.
40 jastaǵy saıasatker alty ret jaralanyp, aýrýhanada qaıtys boldy. Taǵy bіr adam jaraqat alǵany habarlandy. Qaýіpsіzdіk kúshterі ekі kúdіktіnі ustap, úshіnshіsіn oqıǵa ornynda kózіn joıǵan.
Shabýyldyń sebebі ázіrge anyq emes. Mıchoakan shtatynyń gýbernatory Alfredo Ramıres Bedoıa bul qylmysty ashýǵa barlyq qaýіpsіzdіk qurylymdary tartylǵanyn málіmdedі.
Mundaı qastandyqtar Meksıkada jıіlep kettі. Sońǵy jyldary bіrqatar merler men kandıdattar saılaý naýqany kezіnde nemese qyzmetke kіrіsken sátte óltіrіlgen. Sonyń іshіnde Kotıha qalasynyń merі Iolanda Sanches pen Teksıstepek qalasynyń úmіtkerі Esenııa Larý Gýterres bar.
Bılіk saıası zorlyq-zombylyqtyń tamyrymen kúresý qajet ekenіn moıyndap otyr, alaıda shabýyldar toqtaıtyn túrі joq.
Material avtory
