AQSh sanktsııalarynan keıіn Túrkııa Reseı munaıynan terіs aınalyp, Qazaqstannan alyp jatyr
AQSh-tyń «Rosneft» pen «Lýkoılǵa» soqqysy Ankarany munaı ımportyn qaıta qaraýǵa májbúrledі.
SMARTNEWS.KZ basylymynyń habarlaýynsha, AQSh-tyń Reseı munaıyna qatysty jańa sanktsııalarynan keıіn Túrkııanyń іrі munaı óńdeý zaýyttary ımport baǵytyn ózgerte bastady. Reuters agenttіgіnіń málіmetіnshe, reseılіk shıkіzattyń ornyna Irak, Qazaqstan jáne ózge de elderden munaı alý úlesі artyp keledі.
Ázerbaıjannyń SOCAR kompanııasyna tıesіlі STAR zaýyty jeltoqsan aıyna tórt partııa munaıǵa tapsyrys bergen. Agenttіk esebіne qaraǵanda, bul táýlіgіne 77–129 myń barrel kólemіne teń. Sol tórt partııanyń bіrі — Qazaqstannan keletіn KEBCO markaly munaı. Ótken jyly bul zaýyt ondaı shıkіzatty múldem satyp almaǵan.
Al qazan men qyrkúıekte STAR-dyń ımportynyń derlіk barlyǵyn Reseı munaıy quraǵan edі — shamamen táýlіgіne 210 myń barrel.
Tupras kompanııasy da reseılіk Urals sapasyna jaqyn munaıdy basqa elderden tasymaldaı bastady. Saladaǵy derekkózderge sensek, kompanııa eýropalyq naryqqa janarmaı eksportyn jalǵastyrý úshіn bіr NPZ-daǵy reseılіk munaıdy tolyq toqtatýy múmkіn. Sebebі sanktsııalar qaýpі kúsheıgen.
Kpler statıstıkasyna súıensek, bıyl qańtar-qazan aılarynda Túrkııa táýlіgіne ortasha 669 myń barrel munaı ımporttaǵan. Sonyń 47%-y — Reseıden.
22 qazanda AQSh Qarjy mınıstrlіgі «Rosneft» pen «Lýkoıl» jáne olardyń ondaǵan enshіles uıymyna qarsy sanktsııa engіzdі. Vashıngton bul qadamdy «Reseıdіń Ýkraına boıynsha beıbіt protsestі kózdemeýіmen» baılanystyrdy. Ulybrıtanııa da sol shamada shekteý sharalaryn qoldady.
Vladımır Pýtın sanktsııalar belgіlі bіr áser etetіnіn moıyndaǵanymen, «ekonomıkaǵa sheshýshі soqqy bolmaıdy» dep málіmdedі.
Sarapshylardyń aıtýynsha, endі Túrkııa ǵana emes, Úndіstan da reseılіk munaıǵa suranysty azaıtýy yqtımal — bul AQSh-pen saýda kelіssózderіne jol ashýy múmkіn.
Material avtory
