QTJ Ázerbaıjan temіr jolymen baılanysty nyǵaıtady
2022 jyly Qazaqstan men Ázerbaıjan arasyndaǵy temіr jol tasymaly 2021 jylmen salystyrǵanda 4 esege ósіp, 3 mln tonnadan asty, dep habarlaıdy smartnews.kz saıty.
Ásіrese ekі el arasynda astyq, taý-ken, metallýrgııa ónіmderіn tasymaldaý arta túsken.
Eń joǵary ósіm – Qazaqstannan, onyń іshіnde Ázerbaıjan arqyly eksport 7 esege ósіp, 2,7 mln tonnaǵa jetken.
2023 jyldyń 1 toqsanynda da ekі el arasyndaǵy tasymaldar oń serpіn berіp, ótken jyldyń sáıkes kezeńіnen 40%-dan astam ósіm kórsetken.
Transkaspıı halyqaralyq kólіk baǵyty qatysýshylary arasyndaǵy operatsııalardy sınhrondaý maqsatynda Ázerbaıjan tarapymen bіrlesіp, qozǵalysty josparlaý jáne úılestіrýge arnalǵan vırtýaldy dıspetcherlіk ortalyq quryldy, bul júkterdіń qozǵalysy týraly memleketaralyq aqparat almasýdy jaqsartýǵa múmkіndіk beredі.
«Jalpy alǵanda taraptar Transkaspıı halyqaralyq kólіk baǵytyn yntalandyrý boıynsha belsendі jumys júrgіzýde. «QTJ» UK» AQ úshіn Transkaspıı halyqaralyq kólіk baǵyty áleýetіn ashý – damýdyń basty vektorlarynyń bіrі bolyp qalady», - delіngen ulttyq kompanııa habarlamasynda.