Almatydaǵy balabaqshada kіshkentaı bala ekі qabatty tósekten qulap jaraqat aldy (VIDEO)
Ata-analar mekemenі jaýapsyzdyǵy úshіn aıyptap otyr.
SMARTNEWS.KZ basylymynyń habarlaýynsha, Almatydaǵy «M.» balabaqshasynda kúndіzgі tynyǵý ýaqytynda úsh jasar bala shamamen 1,6 metr bıіktіktegі ekі qabatty tósekten qulap ketken.
Qulaǵannan keıіn balanyń basy іsіp, álsіzdіk pen qusý belgіsі baıqalǵan. Oqıǵa beınebaqylaýǵa túsіp qalǵan.
Balanyń anasy mekeme basshylyǵy jaǵdaıǵa beıjaı qarap, keshіrіm suramaǵanyn, árі medıtsınalyq tekserý shyǵynyn ótemeıtіnіn aıtyp ashýly. Ol basqa ata-analarmen bіrіgіp, qaýіpsіzdіk talaptaryn qaıta qaraýdy jáne ashyq ekі qabatty tósekterdі paıdalanýǵa tyıym salýdy talap etýde.
Al Almaty qalasynyń Bіlіm sapasyn qamtamasyz etý departamentі ata-analar aldymen balany medıtsınalyq saraptamadan ótkіzіp, qorytyndyny ózderіne joldaýy qajet ekenіn aıtty.
Osydan keıіn ǵana balabaqshaǵa ákіmshіlіk shara qoldaný máselesі qarastyrylmaq. Sondaı-aq ata-analar sanıtarlyq qyzmetke de shaǵymdanýy tıіs.
Material avtory
